Genesis 41:28 - সান্তালী বাইবেল

²⁸ Isor okae cekae lạgidokʼkan ona do Maharaje udukʼ akawadea, ar ona kathage iń do Maharaj ṭheniń lạiyeda.

Genesis 41:28 Referans Kwoze

Genesis 41:25

Unre Joseph do Pharaoe metadea, “Maharajakʼ noa banar kukmũ do mitʼgea. Isor okae ceka lạgidokʼkan onage Maharaj ṭhene sodor akada.

Genesis 41:16

Joseph do Pharaoe metadea, “Ona reakʼ daṛe do bạnukʼtińạ. Menkhan Isor do Maharajakʼ kukmũ reakʼ manetetʼe lạiyaea ar uniyakʼ monre suluke danaea.”

Genesis 41:32

Noa kukmũ do Maharaj bar dhaoe ńel ocoakana. Noa reakʼ mane do hoyokʼkana, Isor doe niṭ dohoakada ar hako pakoge ona doe hoeocoya.

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Genesis 40:12

Joseph do uniye metadea, “Amakʼ kukmũ reakʼ mane do noage. Pea ḍạr do hoyokʼ kana pe din.