Genesis 40:13 - সান্তালী বাইবেল

¹³ Pharao do pe din khange nonḍe khone oḍokmea ar lahateakʼ kạmireye bahal ruạṛmea. Ar am do darkha rasa dudulicʼ lekate arhõ Pharaoakʼ bạṭirem dula.

Genesis 40:13 Referans Kwoze

Jirimiạ 52:31

Jihudạren raj Jehoyakine bondi idi ocokʼre pe gel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel mõṛẽakʼ dinre Jehoyakin do hajot khone aṛakʼkedea.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

2 Rapajko 25:27

Jihudạren raj Jehoyakine bondi idi ocokʼ reakʼ pegel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel eaeyakʼ dinre Jehoyakin do hajot khone aṛakʼkedea.

Genesis 7:4

Iń do eae din khange dhạrtire dakʼ iń ạguya. Onate pongel siń ar pongel ńindại daga. Ar otre okoeko jiwiyankoń sirjạu akatʼko onko joto do dhạrti khoniń marao giḍikakoa.”

Genesis 40:1

Noako ghoṭna tayom Misor rajren barea kạmiyạ hoṛ do raj upạrtekin behokkeda. Nukin modre mitʼṭen do piṭhạ bekʼnaoicʼ sordar ar eṭakʼicʼ do darkha rasa dudulicʼe tahẽkana.

Genesis 40:12

Joseph do uniye metadea, “Amakʼ kukmũ reakʼ mane do noage. Pea ḍạr do hoyokʼ kana pe din.

Genesis 40:14

Menkhan amakʼ bhageakʼ dinkore iń do alom hiṛińińa. Am do Pharao ṭhen ińakʼ katham lạiya, jemon amakʼ goṛote noa hajot oṛakʼ khoniń oḍok daṛeakʼ.