Genesis 4:26 - সান্তালী বাইবেল

²⁶ Ar Sethren do mitʼṭen koṛa hopone janamena. Uniyakʼ ńutum do Enose dohoketʼtaea. Ar unkhon hoṛko do Probhu Isorakʼ ńutum manotko ehopʼkeda.

Genesis 4:26 Referans Kwoze

Sereńko 116:17

Iń do am lạgitʼge gun manaoren dãṛẽń samaṅama ar amakʼ sarhao iń lại sodora.

1 Rapajko 18:24

Ona tayom onko do akoren debotako hohoaea ar iń hõ Probhu Isoriń hohoaea. Ar jãhãege seṅgelteye roṛ ruạṛ abon uni kangeae Isor do.” Niạ katha ańjomkate sanamkoko menkeda, “Am do bhagegem menakada.”

Sephaniạ 3:9

Ar ona tayom do jạt jạtrenko napae alaṅiń emakoa jemon jotokoge ińko sewawạń ar jotoko mitʼ jomokteko dewa sewa daṛeạń.

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Genesis 12:8

Ar ona tayom onḍe khon Bethel nagraha reakʼ purub secʼre menakʼ buru ṭoṭha secʼe calao idiyena ar pạchimre Bethel ar purubre Ae nagraha reakʼ tala jaegareye ḍerayena. Uni do Probhu Isor lạgitʼ onḍe hõ mitʼṭecʼ pinḍe benaokeda ar Probhu Isore sewawadea.

Luk 3:38

Kenan do Enosren hopon, Enos do Sethren hopon, Seth do Adamren hopon, Ar Adam do Isorren hopone tahẽkana.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Genesis 26:25

Unre Isahak do onḍe mitʼṭecʼ pinḍe benaokeda ar Probhu Isore sewawadea. Onḍege uni doe ḍerayena ar acʼren gutiko mitʼṭecʼ kuńko lakeda.

Romiko lạgitʼ Pạul Apostolakʼ ciṭhi 10:13

Sonot sostorre menakʼa, “Bańcao ńam lạgitʼ jãhãege Probhu Isore hohowae uni do bańcaoe ńama.”

Aposkạmi 11:26

ar uniye ńamkede khan Antiokiạteye ạgukedea. Barnabas ar Sạul do goṭa bochor manḍerren hoṛko sãotekin tahẽyena ar ạḍi utạr hoṛkin cetʼatʼkoa. Ar noa Antiokiạrege celako do pạhil Khristanko ńumocoyena.

Aposkạmi 2:21

Ar bańcao ńam lạgitʼ, Probhu Isor okoeye hohowae uni doe bańcaokʼa.’

Jesaea 63:19

Okoe cetanre tishõ mạliki bam calao akatʼ, okoe tishõ amakʼ ńutumte bako hoho ocoakan, ńitokʼ ale do onko somanle hoyakana.

Jesaea 48:1

E Jakob bõsrenko, noa ańjompe. Ape okoe do Israelpe ńum ocokʼkan, ape do Jihudạ bõs khonpe hecʼakana, ape do Probhu Isor ńutumtepe kiriyạkʼ kana ar Israelren Isor ṭhenpe koejoṅ kana, menkhan sạri se dhoromte do bape onkayeda.

Jesaea 44:5

Mitʼṭen doe mena, uni doe Probhu Isor kana; ar dosaricʼ do Jokob ńutumteye ńumogokʼa, ar eṭagicʼ do acʼakʼ tireye ola, uni doe Probhu Isorren kana, ar Israelakʼ ńutumteye pạrisokʼa.’ ”