Genesis 38:24 - সান্তালী বাইবেল

²⁴ Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”

Genesis 38:24 Referans Kwoze

Levitikus 21:9

Jãhãe naekeren hoponera loṭghuṭi iạteye ńurlen khan enḍekhan uni do acʼ apattetʼe besonot ocoyedekana. Ar uni kuṛi do seṅgelre atar giḍikae hoyokʼa.

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Jeheskel 23:44

Hoṛko cetʼ leka kusumbiko sãoteko giticʼmidokʼ onkage onko do Ohola ar Oholiba ṭhenko boloyena, unkin nilạjiạ maejiukin ṭhenge.

Jeheskel 23:19

Juạn oktere tinre uni do Misorreye loṭghuṭiyetʼ tahẽkana unreakʼ dinko disạkate uni do arhõ bạ̃ṛti loṭghuṭi kạmiye ehopʼena.

Jeheskel 23:5

“Ohola do ińrene tahẽkanre hõe loṭghuṭikeda. Uniren dulạṛiạko, metakʼme Ạsurrenko secʼ uni doe gagojok ʼkan tahẽkana. Onko do beguni roṅ kicricʼ horokʼ akatʼ lạṛhại birko, disạm cakʼlaoko ar subedarko tahẽkana; ar jotoge ńapae juạn ar sadomre dejokʼ aswariko tahẽkana.

Bikʼcạrko 19:2

Uni chuṭki era do loṭghuṭi iạteye bạgi ocoyen khan acʼren apatakʼ oṛakʼ Bethlehemteye ruạṛ calaoena. Uni do onḍe pon candoe tahẽyen khan uniren jãwãetetʼ do ruạṛ ạguiye lạgitʼte senena. Ar uni sãote acʼren guti koṛa ar mitʼ joṛa gadha hõe idi toraketʼkinạ. Unre uni maejiu do acʼ apatakʼ oṛakʼteye idiketʼkinạ. Ar uniren hońhartetʼ hõ uniye ńelkede khan ạḍiye kusiyena.

Romiko lạgitʼ Pạul Apostolakʼ ciṭhi 14:22

Noa reaṅ am okaṭakʼ bhage mentem pạtiạukʼkan ona do Isor ar am talarege dohoyme. Ar bhageakʼ menkate jãhãnakʼ kạmi jokhecʼ jãhãeakʼ bibek hõ uni bako dusiye khan enḍekhan uni doe bhạgangea.

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Hosea 3:3

Ona tayom uniń metadea, “Iń tulucʼ giticʼmidokʼ lạgitʼ am do ḍher din tạṅgiy hoyokʼtama. Menkhan am do alom loṭghuṭiya se jãhãe hoṛ sãote hõ alom dulạṛokʼa. Ar ińhõ am lạgitʼ koyokʼ hor akaeyiń tahena.”

Jeheskel 16:41

Onko do amakʼ oṛakʼ-duạrko jeredtama ar ḍher maejiuko samaṅre amiń sạjạimea. Nonkate iń do amakʼ laṭghaṭiń mokoń ocoytama; ar amren dulạṛiạko do ṭaka poesa ar bam emakoa.

Jeheskel 16:28

Asurrenko sãote hõm loṭghuṭi akada, ente bam tirpitokʼkan tahẽkana; menkhan am do enrehõ bam tirpitlena.

Jeheskel 16:15

“ ‘Menkhan am dom namḍakente amakʼ mońjtetʼrem bhorsayena arem laṭghaṭkeda. Ar jãhãege am aṛeteko parom calakʼkan tahẽkan uni sãotegem laṭghaṭetʼ tahẽkana ar amakʼ mońjtetʼ do uniyakʼge hoyokʼkan tahẽkana.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jirimiạ 3:6

Josiạ rajakʼ rajokʼ oktere Probhu Isor do ińe metadińạ, “Bạṛicʼakʼ horteye sen akan Israel okae cekakan ona do cetʼem ńel akatʼgea? Uni do sanam usul buruko cetanre ar hạṛiạr dare buṭạkore senkateye laṭghaṭ akada.

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Sosolhayic̕ 7:26

Ińiń ńelkeda, gujukʼ khon hõ uni maejiu doe haṛhatʼgea, uniyakʼ mon do mitʼṭecʼ jhampa ar jhạli leka ar uniyakʼ tikin do sikṛige. Ar okoe hoṛ Isore kusi ocoye uni do uniyakʼ ti khon apnartetʼe rukhiyạkʼa, menkhan kại hoṛ do jhạlireye paṛaokʼa.

2 Samuel 12:7

Unre Nathan do Dạude metadea, “Am kangeam uni hoṛ do. Israelren Probhu Isor do noa kathageye meneda, ‘ińge Israel cetanre raj menkateń ojokʼ bahal akatʼmea ar Sạulakʼ ti khoniń rukhiyạ akatʼmea.

2 Samuel 12:5

Niạ katha ańjomkate Dạud do uni kisạ̃ṛ hoṛ cetanre ạḍiye raṅgaoena. Uni do Nathane metadea, “Probhu Isore jiwetʼ lekage, okoe hoṛ nonkae kạmi akatʼ uni do gocʼ ocokʼ lek kanae.

Dosar Biboron 24:16

“Hoponakʼ kại gunạkʼte apat do bae gocʼ ocokʼa se apatakʼ kại gunạkʼte hopon hõ bae gocʼ ocokʼa. Mimitʼ hoṛ do acʼakʼ kại gunạkʼte gujukʼ hoyokʼtaea.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Genesis 34:31

Simeon ar Lewi dokin menkeda, “Menkhan ạlińren misera sãote cetʼ jãhãege kusumbi lekae beohara?”

Genesis 20:9

Unre Abimelek do Abraham hohoadeteye metadea, “Am do ale tulucʼ noa do cetʼlekam beoharkeda? Iń do am ṭhen cetʼ iń dos akatʼte iń ar ińakʼ rajosṭire nunạkʼ maraṅ kại reakʼ dayirem paṛao akadińạ? Nonka beohar do lek baṅ tahẽkantama.”

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Genesis 20:3

Menkhan ńindạ jokhecʼ Isor do Abimelek kukmuteye metadea, “Okoe maejiuem ạgu akade, uniren do jãwãe menaetaea. Unim ạgu akadete am do gujukʼ secʼem mohnḍa akana.”

Genesis 38:23

Jihudại menkeda, “Enḍekhan ona jinisko do uni ṭhenge tahẽocoge, ar baṅ khan hoṛko do alaṅko landa dhutʼalaṅa. Ona chaḍa merom hopon mań kolledege, menkhan bam sendra ńam daṛeadea.”

Jeheskel 16:25

Dobạṭiạkore hõ boṅga muṭhạnko benaokate amakʼ mońjtetʼ do hirkhawakʼgem hoyoco akada. Ar jãhãege am aṛeteye parom senakan unige amakʼ hoṛmom danaekan tahẽkante amakʼ loṭghuṭi reakʼ kạmim ḍher akatʼtama.

Jeheskel 16:26

Amren sor peṛa Misorrenko sãote hõm lạṭghaṭ akada ar amakʼ loṭghuṭi reakʼ kạmim ḍher idiyetʼte ińem khĩs ocoakadińạ.