Genesis 38:23 - সান্তালী বাইবেল

²³ Jihudại menkeda, “Enḍekhan ona jinisko do uni ṭhenge tahẽocoge, ar baṅ khan hoṛko do alaṅko landa dhutʼalaṅa. Ona chaḍa merom hopon mań kolledege, menkhan bam sendra ńam daṛeadea.”

Genesis 38:23 Referans Kwoze

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniyakʼ lajaotetʼ aloko ńeltae.”

Ephesiko lạgitʼ Pạul Apostolakʼ ciṭhi 5:12

ente manwakoakʼ oko danaṅre kạmi akatʼ reakʼ noako katha roroṛ hõ lajao paṛaoakʼ kana.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiyakʼ hõ bale mesaletʼkana. Bickom Isorakʼ sạriyakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

Kạhtukko 6:33

Uniyakʼ bhạgre do ghạl ar bemanot menakʼa; ar uniyakʼ durnam do tisge baṅ muchạukʼtaea;

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

Genesis 38:22

Unre uni do Jihudạ ṭhen ruạṛ senkateye menkeda, “Iń do bạń sendra ńam daṛeadea. Ona chaḍa onḍenko hoṛko meneda, onḍe jãhãn mundil-kusumbige bạnukʼkoa.”

Genesis 38:24

Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”