Genesis 38:17 - সান্তালী বাইবেল

¹⁷ Jihudại menkeda, “Ińakʼ pal khon mitʼṭen merom hoponiń kolama.” Tamore menkeda, “Ona ạurim kolạń hạbicʼ iń ṭhen jãhãnakʼ bondhok doho oṭokakʼme?”

Genesis 38:17 Referans Kwoze

Jeheskel 16:33

Sanam kusumbikoge kuṛại doko ńamgea, menkhan am do amren sanam dulạṛiạko kuṛạiyem emako kana. Am sãote laṭghaṭ lạgitʼ jemon sanam ṭhạ̃i khon am ṭhenko hijukʼ ona iạte onko do ghusem emako kana.

Genesis 38:20

Jihudạ do uni maejiu ṭhen khon ona bondhok dohoakan jinis ạguy lạgitʼ acʼren gate Adulam tite mitʼṭen merom hopone kolkedea. Menkhan uni do bae sendra ńam daṛeadea.

Luk 16:8

Ado uni gutiye bedhoromgere hõ bud salakʼe kạmiketʼte kisạ̃ṛ do uniye sarhaokedea. Noate bujhạukʼ kana, noa puriren hoponko do ako bidạlrenko talare marsalren hoponko khon hõ bạ̃ṛtiko budangea.

Kạhtukko 20:16

Ạnạ̃ṛiyicʼ ńutumteye jạmin akan hoṛakʼ kicricʼ hataotaeme, ar bidisiạ hoṛ ńutumteye jạmin akan khan unige bandhok lekate dohoyem.

Genesis 38:16

Onate uni do Tamor ṭhen senkateye menkeda, “Dela, am sãoteń giticʼmitʼlenge.” Menkhan uni do acʼren kimintetʼ bae oromledea. Tamore menkeda, “Noa iạte am do cetʼem imạńa?”

Genesis 38:18

Jihudại menkeda, “Cetʼ iń doho oṭokakʼa?” Uniye menkeda, “Baber sudhạ amakʼ mohor chap akatʼ amakʼ ti reakʼ ṭheṅga.” Unre Jihudạ do onako uni ṭhene doho oṭokatʼte uni tulucʼe giticʼmitʼena, ar onate Tamor doe bhạrti hoṛmoyena.

Bikʼcạrko 15:1

Guhum gegetʼ okte Samson do mitʼṭen merom hoponante acʼren bạhu tulucʼ ńapamokʼ lạgitʼe senena. Uniye menkeda, “Iń do bhitrite ińren bạhu ṭheniń calakʼ kana.” Menkhan kuṛiren apattetʼ do bhitrite bae bolo ocoadea.