Genesis 38:1 - সান্তালী বাইবেল

¹ Niạ tayom Jihudạ do acʼren boehako bạgikate Adulam atoren mitʼṭen hoṛ sãote girobasokʼe ehopʼena. Uni hoṛakʼ ńutum do Hirạ tahẽkana.

Genesis 38:1 Referans Kwoze

2 Rapajko 4:8

Mitʼdin Elisae do Sunemteye senena. Ar onḍenicʼ mitʼṭen kisạ̃ṛ maejiu do uni jom ocoye lạgitʼ ạḍiye arojadea. Ar inạ tayom tinạkʼ dhao ona horteye calakʼkan tahẽkan unạkʼ dhaoge ona oṛakʼre jom lạgitʼe bolokʼkan tahẽkana.

1 Samuel 22:1

Dạud do Gat khone dạṛketʼte Adulam ṭhenakʼ mitʼṭecʼ danderreye okoyena. Ona katha ańjomkate uniren dadattetʼtako ar uni apatakʼ bõsren hoṛ do uni ṭhenko calaoena.

Mikạ 1:15

E Maresare girobasokʼ kan hoṛko Probhu Isor do ape upạrte mitʼṭen dokʼkhol kan hoṛe kolea. Ar Israelakʼ sanamakʼ bạḍạiko do Adulamte calakʼa.

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Josuạ 15:35

Jarmut, Adulam, Soko, Aseka,

Kạhtukko 9:6

Lelhako sãote gatekʼ do bạgime, inạ khanem bańcaokʼa; am do budan reakʼ horte taṛamme.”

2 Samuel 23:13

Mitʼ dhao phosol gegetʼ jokhecʼ pegel birbanṭa modre onko pene birbanṭa do Adulam danderte Dạud ṭhenko hecʼena. Unre Philisṭiren lạṛhại phạdko do Rephayim reakʼ buru lodamre hecʼkateko ḍera akan tahẽkana.

Bikʼcạrko 4:18

Ar Jayel do tạmbu khone oḍokente Sisera hoho adeteye metadea, “E baba, dela bhitrite bolokʼme; ar alom botorokʼa.” Onate Sisera do uniyakʼ tạmbuteye boloyena ar Jayel do kombolte uniye oyo poṭomkedea.

Josuạ 12:15

Libnaren raj, Adulamren raj, Makedaren raj, Bethelren raj, Tapuaren raj, Hepherren raj,

Genesis 38:12

Noa ḍher din tayom Jihudạren bạhu, metakʼme Suạren hoponera doe gocʼena. Ar uni lạgitʼ homor halaṅ reakʼ din cabayen khan Jihudạ do acʼren gate Adulamren Hirạ soṅgekate Timnạteye calaoena. Ar okoeko hoṛ do uniren bhiḍikoakʼ upʼko kạpciyetʼtako tahẽkana onko do ona atoregeko tahẽkana.

Genesis 38:20

Jihudạ do uni maejiu ṭhen khon ona bondhok dohoakan jinis ạguy lạgitʼ acʼren gate Adulam tite mitʼṭen merom hopone kolkedea. Menkhan uni do bae sendra ńam daṛeadea.