Genesis 37:35 - সান্তালী বাইবেল

³⁵ Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Genesis 37:35 Referans Kwoze

Jobakʼ 2:11

Temani Eliphas, Suhi Bildad, Namathi Sophar ńutuman Jobren pea gate tinre Jobakʼ muhin reakʼ kathako ańjomkeda unre onko do akoakʼ oṛakʼ khonko mohnḍayena. Ar jarwakateko sopolhawana, onko do senkate uni sãoteko dukokʼa ar jiwi raṛecʼko emaea.

2 Samuel 12:17

Raj oṛakʼren cetan hudạren kạmiyạko do ot khon berede lạgitʼ uni ṭhenko calaoena, menkhan uni do beretʼ bae rebenlena ar onko sãote hõ bae jom-ńũleda.

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Jirimiạ 31:15

Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Genesis 45:28

Uniye menkeda, “Ińren hopon Joseph ńit hõ jiwetʼ menae onage ḍhera. Ar gujukʼ lahare iń do senkate mitʼ dhaoiń ńelea.”

Genesis 42:31

Menkhan ale do unile metadea, ‘Baṅa, ale dole ne hoṛ kana, disạm cikʼyạko dole baṅkana.

Genesis 31:43

Noa kathare Laban do Jakobe metadea, “Nukin do ạlińren hoponera kanakin, ar noko gidrạko do ạlińren goṛom gidrạko kanako, ar noko mĩhũ-merom palrenko hõ ạlińrenge. Nonḍe jãhãnakʼge ben ńeletʼkan noako joto do ạlińakʼ kana; enhõ teheń do ạlińren hoponera kin se unkinren gidrạko babotre ạlińakʼ jãhãnakʼ cekae reakʼ cetʼge bạnukʼ tạlińa.

Genesis 25:8

Mitʼṭecʼ mońj ar suk jion khemao tayom ḍher umer paromkate uni doe gocʼena ar acʼren hapṛamko ṭhene calaoena.

Genesis 35:29

Ar purạ jion khemaokate uni doe haṛamena are gocʼente acʼren hapṛamko ṭhene calaoena. Uniren hopon Esau ar Jakob do unikin topakadea.

2 Samuel 12:23

Menkhan uni tinreye gocʼena unre cetʼ lạgitʼ iń upạsa? Uni do cetʼ iń ruạṛ ạgu daṛeaea? Ińge uni ṭhen calakʼ hoyokʼtińạ. Uni do ar tishõ iń ṭhen do bae ruạṛ hijukʼa.”

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Genesis 48:11

Uni do Josephe metadea, “Iń do amakʼ mẽtʼãhãń ńelńama mente do bạń hudis akatʼ tahẽkana, menkhan Isor do eken am do baṅ, amren gidrạkin hõe ńel ocokedińa.”

2 Samuel 19:1

Joabko lạiyadea, raj do Absalom ńutumteye rakʼetʼ kana are homor halaṅeda.

1 Bõsbudạ 7:22

Unkinren apat Ephrayim do ḍher din hạbicʼ unkin lạgitʼe rakʼ homorleda. Uniren peṛa pạrbhạko do jiwi raṛecʼtae lạgitʼko hecʼlena.

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)