Genesis 37:34 - সান্তালী বাইবেল

³⁴ Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Genesis 37:34 Referans Kwoze

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

2 Samuel 3:31

Inạ tayom Dạud do Joab ar uni soṅgeten sanam hoṛkoe metatʼkoa, “Ape do apan ạpin kicricʼ oṛecʼkate coṭ horogpe ar homor halaṅate Abnerakʼ mạ̃ṛĩ laha lahate calakʼpe.” Ar Dạud hõ mạ̃ṛĩ gokʼ idikoe pańja idiketʼkoa.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Aposkạmi 14:14

Barnabas ar Pạul do ona kathakin ańjomketʼ khan ạkinakʼ kicricʼkin oṛecʼketʼte hoṛko ṭhenkin ńir calaoena ar ãṭ aṛaṅtekin menkeda,

Mathae 26:65

Khange maraṅ naeke do acʼakʼ kicricʼe oṛecʼketʼteye menkeda “Nui do Isore henosta akawadea. Gohako reakʼ do ar cetʼ jạruṛa bona? Ńitge coṅ ape hõpe ańjomketʼ, uni do Isore henostawae kana.

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Jirimiạ 36:24

Ar onko do okoehõ bako toraslena raj hõ baṅ ar uniren golamko modren tinạkʼko ańjomketʼ onko hõ baṅ. Ar akoakʼ kicricʼko hõ bako oṛecʼletʼtakoa.

Jesaea 36:22

Inạ tayom raj oṛakʼren mukhiyạko do Hiskiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa do akoakʼ kicricʼko oṛecʼketʼte Hiskiạ raj ṭhenko ruạṛ calaoena ar Rabsake cetʼkoe roṛketʼ ona jotowakʼko lạiyadea.

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Sereńko 69:11

Ar gõṛẽ kicricʼ iń horokʼetʼ tahẽkanre hoṛko do ińko landa dhutʼạńkan tahẽkana.

Jobakʼ 2:12

Onko do sạṅgiń khon bako orom daṛeadea. Onate onko do ãṭ aṛaṅte rarakʼko ehopʼena ar apnarakʼ kicricʼko oṛecʼketʼte bohokʼ cetante dhuṛiko uḍiyạukeda.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Nehemiạ 9:1

Inạ cando reakʼ bargel ponakʼ dinre Israelko do mitʼ ṭhenko jarwayena ar gõṛẽ kicricʼko horokʼketʼte, bohokʼre dhuṛiko ojokʼana arko upạskeda,

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

2 Rapajko 19:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaea ar gõṛẽ kicricʼe horokʼketʼte Probhu Isorakʼ oṛakʼteye boloyena.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

1 Rapajko 20:31

Benhadadren kạmiyạko do uniko metadea, “Ńelme, alele ańjomakada Israelren rapajko do dayawanko kanako. Dela, abo do gõṛẽ kicricʼ horokʼkate ar bohokʼre baber reakʼ binḍi tolkate Israelren raj ṭhen bon calakʼa. Hoedaṛeakʼa uni do jomakʼte jiwiye rukhiyạitama.”

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Genesis 44:13

Noa ńelte onko do akoakʼ kicricʼko oṛecʼketʼtakoa. Ar ona tayom do akoren gadhakore bostako ladeketʼte arhõ nagrahateko ruạṛ calaoena.

2 Rapajko 2:12

Elisae do ona ńelte ãṭ aṛaṅteye menkeda, “E ińren ạpuń, E ińren ạpuń, ńelme, Israelakʼ rãt gạḍi ar aswariko.” Inạ tayom Elisae do ar bae ńel ńamledea. Unre uni do acʼakʼ kicricʼe or cirạketʼtaea.

2 Rapajko 22:11

Ạn-ạri reakʼ puthire oka ol tahẽkan ona ańjomte raj do acʼakʼ kicricʼe oṛecʼketʼtaea.

1 Bõsbudạ 7:22

Unkinren apat Ephrayim do ḍher din hạbicʼ unkin lạgitʼe rakʼ homorleda. Uniren peṛa pạrbhạko do jiwi raṛecʼtae lạgitʼko hecʼlena.

Jobakʼ 16:15

Ińakʼ harta cetanre gõṛẽ kicricʼ iń horokʼakada; ar ińakʼ bạḍại do dhuṛireń laplonḍe akatʼtińạ.

Jirimiạ 48:37

Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Bikʼcạrko 11:35

Jiptha do acʼren hoponerae ńelkede khan acʼakʼ kicricʼe oṛecʼketʼteye menkeda, “Hae, hae, E biṭi tiń, am do cedakʼ sorbonasrem paṛaokedińa! Ạḍi muhinregem paṛao ocokedińa, ente iń do Probhu Isor ṭhen onkań manot dohoakatʼ ona do bạṅ rạputʼ daṛeakʼa.”