Genesis 37:33 - সান্তালী বাইবেল

³³ Jakob do aṅgrop ńel ṭhikketʼteye menkeda, “Noa kicricʼ do ińren hoponakʼ kangea. Uni do kaṭaha janwarko jomkedea. Hẽ uni do kaṭaha janwar ṭhengeye or cirạ ocoakana.”

Genesis 37:33 Referans Kwoze

Genesis 44:28

Mitʼ dhao unkin modre mitʼ hoṛ do iń samaṅ khone oḍok calaoena, ar mucạtʼreń baḍaekeda, uni do kaṭaha janwarko khanḍa khunḍikedea. Ona tayom khon uni do ar bạń ńel ńamledea.

Genesis 37:20

Dela, ńitokʼge bon gojea ar mitʼṭecʼ kuńre bon khadlekaea. Ar bon mena, uni do kaṭaha janwarko jomkedea, ar ona tayom do uniyakʼ kukmũ reakʼ bon ńela cetʼ hoyokʼa mente.”

Johan 13:7

Jisui roṛ ruạṛadea, “Okań cekayetʼkan ona do ńitokʼ bam baḍaeyeda menkhan tayomtem bujhạua.”

Kạhtukko 14:15

Lelha hoṛ do sanam kathageko pạtiạukʼa, menkhan sontorokʼ hoṛ do bud salakʼe taṛama.

2 Rapajko 2:24

Elisae do onko secʼ ạcurenteye beṅgetʼatʼkoa ar Probhu Isor ńutumteye sarapatʼkoa. Unre bir khon barea banakin oḍok hecʼente onko modren pongel bar goṭen koṛa kin khanḍa khunḍiketʼkoa.

1 Rapajko 13:24

Ado Isorren hoṛe mohnḍayen khan mitʼṭen dhạcri kul do horre uniye ńamkedea are gocʼkedea. Ar uniyakʼ mạ̃ṛĩ do horre giḍi akan tahẽyena ar ona mạ̃ṛĩ sorre gadha ar dhạcri kul teṅgo akan kin tahẽyena.

Genesis 37:32

Ar akoren baba ṭhen ona idikateko menkeda, “Ale do noale ńam akada. Mońjte ńelme, noa kicricʼ do amren hoponakʼ kana se baṅa.”

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Genesis 44:20

Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’

Genesis 48:11

Uni do Josephe metadea, “Iń do amakʼ mẽtʼãhãń ńelńama mente do bạń hudis akatʼ tahẽkana, menkhan Isor do eken am do baṅ, amren gidrạkin hõe ńel ocokedińa.”