Genesis 37:25 - সান্তালী বাইবেল

²⁵ Ona tayom Josephren dadattetʼtako do jom-ńũiy lạgitʼko duṛupʼen khan Ismaelren bạnij-beparko Gilead khon hijukʼko ńelketʼkoa. Onko do ũṭre decʼkate jut so mosola, ran sunum ar gondhorosante Misor disạmteko calakʼkan tahẽkana.

Genesis 37:25 Referans Kwoze

Genesis 43:11

Unre onkoren apate metatʼkoa, “Onkage hoyokʼ khan, enḍekhan mitʼṭecʼ kạmipe. Uni hoṛ lạgitʼ dan lekate noa disạm reakʼ bhage bhage jinisko reakʼ thoṛa thoṛa idi torawaepe, ona do noakoge, ran sunum, dumur rasa, jut so mosola, gondhoros, pesta jo ar badam.

Genesis 37:28

Ar Midiạnren bạnij-bepariko do tinreko hecʼ sorena unre Josephren boehako do kuń khonko or rakapʼkedea ar bargel rupạ ṭakate Ismaelren bepari ṭhenko ạkhrińkedea. Onko bạnij-bepariko do Misorte Joshepko idikedea.

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

Genesis 37:36

Ar Midianko do Misorte Josephko idikedete Poṭiphar ṭhenko ạkhrińkedea. Poṭiphar do Pharaoren mitʼṭen maraṅ rajren kạmiyạ hoṛe tahẽkana, uni do rurukhiyạkoren sordargeye tahẽkana.

Amos 6:6

Ape do bạṭi perecʼ darkha rasape ńũiyeda ar joto khon bhage so sunumpe ojokʼeda, menkhan Josephren, metakʼme Israelakʼ maraokʼ iạte do bape dukokʼ kana.

Jirimiạ 46:11

“E kũạri kuṛi Misor, am do Gileadte rakapʼ calakʼme ar haso reakʼ ran sunum ạgujoṅme. Am do ạuṛiyakʼge ạḍi lekan rankom lagao joṅkana; am do bam bogekʼa.

Kạhtukko 30:20

Noakangea laṭghaṭ maejiuakʼ colon do; uni do laṭghaṭ tayom ḍạbrạ saphakateye meneda, “Iń do cetʼ bạṛicʼ hõ bạń kạmi akada.”

Sereńko 14:4

Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

Genesis 39:1

Ar Joseph do Misor disạmteye idi ocoyena. Ismaelrenkoge uni do onḍeko idikedea. Ar Poṭiphar ńutuman Pharaoren mitʼṭen misri kạmiyạ hoṛ do onko ṭhen khon Josephe kirińkedea. Uni do Pharaoren rurukhiyạ dolkoren sordare tahẽkana.

Genesis 31:23

Unre uni do acʼren peṛa pạrbhạkowante Jakobe khudạu idiketete eae din reakʼ horte senkate Gileadkoakʼ buru ṭoṭhareye tiyokʼkedea.

Sereńko 83:6

tạmbukore ḍera akan Edomrenko, Ismaelrenko, Moabrenko ar Hagriko,

Ester 3:15

Rajakʼ hukum ńamkate sombat asenko do usạrateko oḍokena ar Susan gaṛrehõ ona hukum lại jạhirena. Ona tayom raj ar Haman do darkha rasa ńũńũkin duṛupʼena ar Susan nagraharen Jihudiko doko hae nisạsena.

Genesis 31:21

Nonkate Jakob do acʼakʼ sanam jinisko hataokateye dạṛkeda. Uni do Phurạt gaḍae paromketʼte Gilead reakʼ mitʼṭecʼ buru ṭoṭha secʼe sen idiyena.

Genesis 37:24

Ar ona tayom do kuńreko bhoraokadea. Ona kuń do rohoṛge tahẽkana.

Josuạ 13:11

Gilead elaka, Gesuriko ar Makathikoakʼ elaka, goṭa Hermon buru ar Salka hạbicʼ goṭa Bason disạm hõ onare menakʼa.

Jirimiạ 22:6

Jihudạ raj oṛakʼ reakʼ sanam ṭhạ̃i reaṅ Probhu Isore meneda, “Am do iń ṭhen Gileadrenko leka ar Lebanon reakʼ buru muthni leka kanrehõm khạṭige am do hahaṅkar ṭoṭha reakʼ ujạṛakʼ nagraha lekań hoyocomea.

Jeheskel 47:18

Purub secʼ reakʼ simạna Haoran ar Damesek talate Gilead ar Israel disạm tala reakʼ jordan gaḍa secʼte senkate doreão hạbicʼ. Ar noage hoyokʼa purub secʼ reakʼ simạna do.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Amos 6:4

Ape do hạti ḍaṭate benaoakʼ parkomrepe giticʼ akana ar apeakʼ palak parkomrepe tiyạr akana. Ape do aperen pal khonpe bachao akatʼko bhiḍi hopon ar goṛa tala khon mĩhũpe jometʼkoa.