Genesis 37:23 - সান্তালী বাইবেল

²³ Joseph acʼren dadattetʼtako ṭhene seṭeren khan onko do joraemoṭ uniyakʼ hoṛmo khon uniyakʼ tilpạṅ talpaṅ aṅgropko totʼketʼtaea.

Genesis 37:23 Referans Kwoze

Mathae 27:28

Onko do Jisuakʼ kicricʼko totʼkeda ar jeṅgetʼ arakʼ aṅgropko horokʼadea.

Genesis 42:21

Ona tayom onko do ako akoreko mepenena, “Sạrige aboren uni boeha cetanre oka bon cekaletʼ onate abo dobon dusigea. Uni do abo ṭhene nehõrlena ar uniyakʼ mon reakʼ kosṭo ńeltehõ unre babo dayalena. Onatege noa kosṭo do abore hecʼpaṛao akana.”

Genesis 37:3

Haṛam umerren hopone tahẽkan iạte Israel do joto hoponko khon Josephge ḍhere dulạṛede tahẽkana. Ar mitʼṭecʼ tilpạṅ talpaṅ aṅgrope benaoade tahẽkana.

Sereńko 22:18

Onko do ako talare ińakʼ kicricʼko hạṭiń joṅana ar ińakʼ aṅrop doko gulibãṭetʼtińạ.

Genesis 37:22

Uni do solhae ematʼkoa, “Mãyãm do alope joroetaea. Ar unire hat hõ alope lagaoa bickom mitʼṭecʼ kuńre bhoraokaepe.” Uni do onko ti khon Joseph bańcaoe lạgitʼ ar apattetʼ ṭhen jimạkae lạgitʼ noa kathae menkeda.

Genesis 37:24

Ar ona tayom do kuńreko bhoraokadea. Ona kuń do rohoṛge tahẽkana.

2 Samuel 13:18

Unre guti do Tamare oḍok gotʼkadete silpiń reakʼ huṛkạṛe lagaokada. Uni kuṛi do mitʼṭecʼ tilpạṅ talpaṅ kicricʼe horokʼ akatʼ tahẽkana, ente rajren kũạri kuṛi do nonkan kicricʼgeko horokʼetʼ tahẽkana.