Genesis 37:21 - সান্তালী বাইবেল

²¹ Menkhan Ruben do noa katha ańjomkate onkoakʼ ti khon bańcaoe reakʼe kurumuṭukeda uni doe metatʼkoa, “Uni do alope gojea.”

Genesis 37:21 Referans Kwoze

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Josuạ 10:28

Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

Genesis 9:5

Ar jãhãege apeko khũnpe enḍekhan iń do khạṭige apeakʼ mãyãm reakʼ iń hala ruạṛakoa, ona do janwarge cetʼ ar manwakoge cetʼ. Manwa jiwi okoeye hatao uniyakʼ hõ hataokʼtaea.

Genesis 37:22

Uni do solhae ematʼkoa, “Mãyãm do alope joroetaea. Ar unire hat hõ alope lagaoa bickom mitʼṭecʼ kuńre bhoraokaepe.” Uni do onko ti khon Joseph bańcaoe lạgitʼ ar apattetʼ ṭhen jimạkae lạgitʼ noa kathae menkeda.