Genesis 37:14 - সান্তালী বাইবেল

^14-15 Israel do arhõe menkeda, “Amren dadamtako ar bhiḍi-meromko cetʼleka menakʼkoa senkate ona reakʼ khoborem ạguạńạ.” Ar noa menkate Joseph do Hebron reakʼ buru lodam khone kolkadea. Joseph do tinre Sikemteye seṭerena unre mitʼṭen hoṛ do bilạn ṭạnḍire ạcur baṛaekan ńelkedeteye kulikedea, “Cetʼem sendra baṛakana?”

Genesis 37:14 Referans Kwoze

Genesis 35:27

Mucạtʼre Jakob do Kiriat-Arab, metakʼme Hebron ṭhenakʼ Mamre nagrahare acʼ apat Isạhak ṭhene hecʼena. Noa ṭoṭharege Abraham ar Isạhak dokin girobasokʼkan tahẽkana.

Luk 19:42

Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Jirimiạ 29:7

Ona chaḍa okaṭakʼ nagrahare bondi lekateń idiakatʼpe onḍenakʼ bhạlại reakʼ kurumuṭuipe. Ona iạte iń ṭhen koejoṅpe, ente ona nagraha reakʼ bhạlại hoylen khan ape hõ bhạlại hoyokʼtapea.

1 Rapajko 2:33

Unkinakʼ mãyãm reakʼ dos do Joab ar uniyakʼ bõsren hoṛkoakʼ bohokʼ cetanre jaejug hạbicʼ tahenma. Menkhan Dạud ar uni bõsren hoṛko cetanre ar uniyakʼ gharońj ar uniyakʼ siṅghạson cetanre Probhu Isorakʼ sạjại do jaejug hạbicʼ tahenma.”

2 Samuel 18:32

Raj do uni Kusren hoṛe kulikedea, “Uni koṛa Absalom do cetʼ besge menaea?” Uni Kusren hoṛ doe menkeda, “Ińren mạlik maharajren bạiriko okoe do amakʼ lokshan lạgitʼko teṅgo akan onko sanamkoakʼ obosta do uni juạn koṛa leka hoyokʼtako ma.”

Josuạ 14:13

Niạ katha ańjomkate Josuạ do Jephunren hopon Kalebe bhoradea ar sompotti lekate Hebron nagrahae emadea.

Numeri 13:22

Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.

Genesis 41:16

Joseph do Pharaoe metadea, “Ona reakʼ daṛe do bạnukʼtińạ. Menkhan Isor do Maharajakʼ kukmũ reakʼ manetetʼe lạiyaea ar uniyakʼ monre suluke danaea.”

Genesis 29:6

Jakob do onkoe kuliketʼkoa, “Uni do cetʼ besge menaea?” Metadeako, “Hẽ, uni doe besgea. Uniren kuṛi Rahel do bhiḍi palkowante nonḍeye hijukʼkana.”

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

Josuạ 14:15

Ananikiko modre Arbo ńutuman mitʼṭen ektiạran hoṛakʼ ńutum leka Hebron do lahate Kiriạt-Arbako metakʼkan tahẽkana. Inạ tayom disạmre lạṛhại do thir akan tahẽkana.

Genesis 23:19

Noa tayom Abraham do Kanan disạm reakʼ Mamre nagraha ṭhen, metakʼme Hebron ṭhen Makpela reakʼ danderre acʼren bạhui topakedea.

Josuạ 14:14

Ar enhilokʼ khon Hebron do Kenisiren Jephun hopon Kalebakʼ ạidạrire menakʼa, ente uni do Israelren Probhu Isorakʼ katha purạteye manaoleda.

Bikʼcạrko 1:10

Ar Hebronren Kananiko birudteko lạṛhại idiyente onko do Sesae, Ahiman ar Talmaeko bhagaokedea. Hebron reakʼ lahateakʼ ńutum do Kiriạt-Abra tahẽkana.

2 Samuel 11:7

Uriạ do Dạud ṭhene hecʼen khan Joab ar lạṛhại phạdko reaṅ boge judạ khobor ar lạṛhại cetʼleka calakʼ kana onae kulikedea.

Genesis 43:27

Ar uni do boge judại kuliketʼkoa, “Aperen baba uni haṛam hoṛ do cetʼ bogege menaea? Uni do cetʼ ńitʼhõe jiwetʼgea?”

1 Samuel 17:22

Unre Dạud do acʼakʼ jinisko horhoicʼ ṭhen doho oṭokate lạṛhại phạdko talareye ńir boloyente dadatetʼtako boge judại kuli baṛeketʼkoa.

Ester 2:11

Ester cetʼleka menaea ar cetʼko hoyokʼkana ona baḍae lạgitʼ Mordekai do din hilokʼ Haremakʼ raca samaṅreye dãṛã baṛaekan tahẽkana.