Genesis 37:11 - সান্তালী বাইবেল

¹¹ Niạ tayom Joseph iạte acʼren boehako do hiskạte mon perecʼentakoa, menkhan uniren apat do noako katha monreye rebetʼ dohokada, ar okoehõ bae lạiyatʼkoa.

Genesis 37:11 Referans Kwoze

Aposkạmi 7:9

“Onko khũṭren hapṛamko do Josephko hiskạwadete golam lekate Misor disạmteko ạkhrińgotʼkadea. Menkhan Isor do Joseph sãote tahẽkate joto lekan duk ar kosṭo khone rukhiyạkedea. Ona chaḍa Isor do Joseph akele danadea ar Misorren raj Pharao samaṅre daya ar dulạṛe ńamkeda. Onate Pharao do Misorren disạm cakʼlaoyicʼ ar acʼakʼ oṛakʼren mạlik hõe benaokedea.

Luk 2:51

Inạ tayom uni do unkin sãote Nasaret atoteye ruạṛ calaoena ar unkinakʼ tabereye tahẽyena. Menkhan eṅgattetʼ do noako reaṅ monreye rebetʼ dohokada.

Luk 2:19

menkhan Mạriạm do jotowakʼ monreye rebetʼ dohokeda, ar okoe hõ bae lạiyatʼkoa; uni do ona reaṅ monre hudisokʼe ehopʼena.

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Jakob 4:5

Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Galathiko lạgitʼ Pạul Apostolakʼ ciṭhi 5:21

bhinạ bhini, dola duli, hiskạ, ńu bulokʼ, rij roṅ, arhõ onkanakʼko. Iń do cetʼ leka noa lahareń sontorletʼpe ńitokʼ hõ onkageń metapekana, ar nonka kạmikanko do Isorakʼ raj baṅgeko ạidạri joṅa.

Aposkạmi 13:45

Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona upạrte aema lekan kathakote nisṛạueko ehopʼena.

Mark 15:10

Enteye baḍaekan tahẽkana, maraṅ naekeko do hiskạte acʼakʼ tire Jisuko soprot akadea.

Mathae 27:18

Ente Pilạt doe baḍaekan tahẽkana, onko do hiskạ iạte Jisuko soprot akadea.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 11:13

Ephrayim reakʼ hiskạ do sạṅgińokʼtakoa ar Jihudạrenko do bạiri mente bako tahena. Ephrayim do Jihudạ cetanre bae hiskạkʼa, Jihudạ hõ Ephrayim sãote bae bạirikʼa.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Sereńko 106:16

Tạmbure tahen jokhecʼ Mose ńelte, ar Probhu Isorren sonoticʼ Aron ńelte onko do hiskạ hecʼatʼkoa.

Genesis 24:31

Laban do uniye metadea, “E Probhu Isorren bhoranicʼ, dela hijukʼme. Bahrere do cedakʼem teṅgo akana? Iń do am lạgitʼ oṛakʼ ar ũṭko lạgitʼ jaegań ṭhik dohoakada.”

Genesis 37:12

Tayomte Josephren boehako do akoren apattetʼren merom ar bhiḍi gupiko lạgitʼ Sikemteko calaoena.

Genesis 42:9

Unre uni do onko reaṅe kukmũletʼ reakʼ katha disạ hecʼadea. Uni do onkoe metatʼkoa, “Ape dope disạm cikʼyạ hoṛ kanape. Aleakʼ disạm reakʼ okako jaegare rurukhiyạ reakʼ bebosta bạnukʼ onako ńel lạgitʼgepe hecʼakana.”

1 Samuel 18:8

Niạ sereń ańjomkate Sạul do ạḍiye edreyena. Uni do bekusiteye menkeda, “Dạud reaṅ onko do ojute ojutko meneda menkhan iń reaṅ do hajarke hajar. Niạ tayom Dạud do rajosṭi ńam chaḍa ar cetʼ sarecʼ tahẽyentaea?”