Genesis 36:15 - সান্তালী বাইবেল

¹⁵ Esauren hoponko modre adom hoṛ do sordarko hoylena. Esauren maraṅicʼ hopon Eliphasren okoeko hopon do sordarko tahẽkan onko doko hoyokʼ kana, Teman, Omar, Sepho, Kenas,

Genesis 36:15 Referans Kwoze

Obodiạ 1:9

E Teman, amren lạṛhại phạdko do heṛan botorko botorokʼa ar Esao bururen do sanamgeko gocʼ ocokʼa.

Jobakʼ 2:11

Temani Eliphas, Suhi Bildad, Namathi Sophar ńutuman Jobren pea gate tinre Jobakʼ muhin reakʼ kathako ańjomkeda unre onko do akoakʼ oṛakʼ khonko mohnḍayena. Ar jarwakateko sopolhawana, onko do senkate uni sãoteko dukokʼa ar jiwi raṛecʼko emaea.

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Amos 1:12

Onate iń do Teman upạrte seṅgeliń kola; ona do Bosrawakʼ gaṛkoe joma.”

Jeheskel 25:13

Ona iạte iń Probhu Isorgeń menetʼkana, Edom upạrte iń do tiyiń tiyạrtińạ ar onḍenko sanam hoṛ ar janwarkoń gocʼ cabakoa. Ona do dhaṅ dhaserakʼgeń hoeocoya ar Teman khon Dedan hạbicʼ hoṛko do tarwaṛeteko gujukʼa.

Jirimiạ 49:20

Onate Probhu Isor do Edom upạrte okae goṭa akatʼ, ar Temanren hoṛko upạrte okae pontha akatʼ ona ańjomme. Palren kạṭicʼ hoponko hõko or idi ocokʼa; onkoakʼ kạmi khạtirtege ạtiń ṭạnḍi doe maraoa.

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?

Sereńko 37:35

Bedhorom hoṛ do ạḍi haḍrap iń ńel akadea, nij hasare harakʼkan hạriạṛ dare leka uni doe jhạṛpạkʼ kana.

Jobakʼ 21:8

Onko beṛhaete do onkoren hoponko tahenkana, ar onko mẽtʼãhã samaṅre do onkoren goṛom gidrạkoge.

Jobakʼ 4:1

Niạ katha ańjomkate Timani Eliphas doe roṛ ruạṛkeda,

1 Bõsbudạ 1:45

Joabakʼ gujukʼ tayom uniyakʼ jaegare Temanikoakʼ disạmren Husam do raje hoyena.

Exodus 15:15

Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.

Genesis 36:18

Esauren bạhu Oholibaren okoeko hopon do gusṭikoren sordarko tahẽkan onko doko hoyokʼkana Jeus, Jalam ar Korah. Noko do Anaren hoponera Oholibaren hoponko tahẽkana.

Genesis 36:4

Noko modre Adawakʼ kukhire do Eliphas ar Basmatakʼ kukhire do Reule janamena;

Genesis 36:14

Sibeonren goṛomtetʼ kuṛi, metakʼme Anaren hoponera Oholibamaren hopon doko hoyokʼkana Jeus, Jalam ar Korah.

Genesis 36:16

Korah, Gatam ar Amalek. Edomre noko do Adaren hopon Eliphasren bõsko tahẽkana.