Genesis 35:9 - সান্তালী বাইবেল

^9-10 Jakob do Padam-Aram khone hecʼen khan Isor do arhõ uni ṭhene ńel ocoyena ar bhoradeteye metadea, “Amakʼ ńutum do Jakob tahẽkana, menkhan Jakob mente do arbam hoho ocokʼa; amakʼ ńutum do hoyokʼa Israel.” Ar noa menkate uniyakʼ ńutum do Israele dohoketʼtaea.

Genesis 35:9 Referans Kwoze

Genesis 35:1

Niạ tayom Isor do Jakobe metadea, “Am do ńitokʼ Bethelre senkate tahenme. Ar amren boeha Esau ṭhen khonem ńir pharakokʼ jokhecʼ okoe do am ṭhene ńel ocolen uni Isor lạgitʼ onḍe mitʼṭecʼ pinḍ benaome.”

Genesis 26:2

Unre Probhu Isor do Isahak ṭhen ńel ocoyenteye menkeda, “Misorte do alom calakʼa. Ar okaṭakʼ disạm reakʼ kathań lạiyam ona disạmrege tahenme.

Genesis 18:1

Abraham do tinre Mamre reakʼ sonot dareko ṭhene girobasokʼkan tahẽkana unre mitʼ din Probhu Isor do uni ṭhene ńel ocoyena. Abraham do enhilokʼ tikin jokhecʼ setoṅre acʼakʼ tạmbu reakʼ duạr ṭhene duṛupʼ akan tahẽkana.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

Hosea 12:4

Uni do Serma goḍet sãoteye lạṛhạilena ar uniye bhagaokedea; ar daya ńam lạgitʼ uni do rakʼ rakʼteye nehõrlena. Uni do Bethelre Probhu Isore ńamledea ar onḍe do Probhu Isor sãote kathaye roṛleda.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Genesis 32:1

Jakob hõ acʼakʼ horteye calao idiyena. Ar hor reakʼ mitʼ jaegare uni do Isorren goḍetkoe ńelketʼkoa.

Genesis 31:3

Unre Probhu Isor do Jakobe metadea, “Am do amren hapṛamkoakʼ disạmren hoṛko ṭhen ruạṛ calakʼme. Iń do am são sãotegeń tahena.”

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 25:20

Isahak do pongel bochor umer tahẽkanre Rebekae baplaledea. Rebeka do Padan-Aram disạmren Aramiạ Bethuelren hoponera ar Aramiạ Labanren miserate tahẽkana.

Hosea 12:5

Uni kangeae phạdkoren Probhu Isor do; ar Probhu Isor ńutumtege uni do hoṛko disạiyea.