Genesis 35:4 - সান্তালী বাইবেল

⁴ Unre onko ṭhen tinạkʼ boṅga murhutʼko tahẽkan onko do Jakobakʼ tireko jimạketʼkoa. Ona sãote lutur reakʼ pagrako hõ uniko emadea. Ar Jakob do onako hataokate Sikem nagraha ṭhenakʼ maraṅ dare buṭạreye topakada.

Genesis 35:4 Referans Kwoze

Bikʼcạrko 9:6

Ona tayom Sikem ar Bet-Miloren sanam hoṛko mitʼente Sikem reakʼ khunṭi ṭhen Elon dare aṛere senkate Abimelekko rajkedea.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Exodus 32:20

Ar onkoko benao akade uni mĩhũ do seṅgelreye khadlekadea. Ar uniye gejerkedete dakʼreye giḍikeda ar Israelko ona dakʼe ńu ocoketʼkoa.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Dosar Biboron 7:5

Ape do onko jạtrenkoakʼ pinḍkope rạputʼ giḍikatakoa, ar pujạ reakʼ dhirikope gejertakoa, Asera khunṭiko hõpe rạputʼ giḍikatakoa ar boṅga muṭhạnko do seṅgelrepe khadle giḍikakoa.

Genesis 12:6

Kanan disạm talate calakʼ jokhecʼ Abram do Sikem nagraha ṭhenakʼ More reakʼ sonot dare hạbicʼe sen idiyena. Unre Kananrenko do ona disạmreko girobasokʼ kan tahẽkana.

Genesis 35:3

Ona tayom do dela, Bethelte bon calakʼa. Iń do onḍe Isor lạgitʼ mitʼṭecʼ pinḍ iń benaoa ente uni do muhinreye goṛowạdiń tahẽkana ar joto jaegarege iń sãoteye tahẽkana.”

Genesis 35:5

Ona tayom onko doko mohnḍayena. Onkoakʼ calakʼ horre Isor do aḍe pase nagraharen hoṛko talare nonkan mitʼṭecʼ botore rakapʼ ocokeda ar onate Jakobren hoṛ do celege bako khudạuletʼkoa.