Genesis 35:29 - সান্তালী বাইবেল

²⁹ Ar purạ jion khemaokate uni doe haṛamena are gocʼente acʼren hapṛamko ṭhene calaoena. Uniren hopon Esau ar Jakob do unikin topakadea.

Genesis 35:29 Referans Kwoze

Genesis 15:15

Ar am do ona laharege ḍher umerre suluktem topa ocokʼa ar amren hapṛamko ṭhenem calakʼa.

Genesis 49:33

Jakob do acʼren hoponko galmaraoakoe sạtketʼ khan aṭetʼre acʼakʼ banar jaṅgae rakapʼketʼtaea are giticʼena. Ar ona tayom do jiwi oḍokentaete acʼren hapṛamko ṭhene calaoena.

Genesis 49:31

Abraham ar uniren bạhu Sara do onḍegekin topa ocoakana. Isahak ar uniren bạhu Rebeka hõ onḍegekin topa ocoakana. Ar Lea hõ onḍegeń topa akadea.

Jobakʼ 5:26

Cetʼleka oktere phosol rakabokʼ onkage purạ dinem bahaokʼa arem topa ocokʼa.

Genesis 25:17

Ismael do mitʼsae pegel eae bochor jiwetʼe tahẽkana. Ar ona tayom doe gocʼena ar acʼren hapṛamko ṭhene calaoena.

Genesis 3:19

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Genesis 27:41

Jakob do acʼ baba ṭhen khon bhore ńamketʼ khan Esau ṭhen hiskạ ocokʼe ehopʼena. Uni do mone monteye menkeda, “Iń baba lạgitʼ rakʼjoṅ din do sor hijukʼ kana. Ar ona tayomge ińren boeha Jakob doń khũnea.”

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Genesis 47:30

ente iń do ińren hapṛamko talare topa ocokʼiń khojkana. Am do ińakʼ mạ̃ṛĩ Misor disạm khon oḍokkate ińren hapṛamko okareko topa ocoakan onḍe idikatem topayińạ.” Josephe menkeda, “Iń do amakʼ katha lekageń kạmiya.”