Genesis 35:24 - সান্তালী বাইবেল

²⁴ Ar Rahelakʼ kukhire do Joseph ar Benjạmin tạkinkin janamlena.

Genesis 35:24 Referans Kwoze

Genesis 42:4

Jakob do menkhan Josephren bokottetʼ Benjạmin do onko sãote bae kolledea. Uniyakʼ jãhãn muhin hoedaṛeakʼa mente uni doe botorokʼkan tahẽkana.

Genesis 43:34

Joseph do acʼakʼ ṭebil khon thoṛa jomakʼ boehako emako lạgitʼe kolkeda. Ar eṭakʼ boehako khon Benjạmin do mõṛẽ doboṛ bạ̃ṛtiye emocoyena. Nonkate onko do Joseph sãoteko jom ńũkeda. Arko jom-ńũketʼte uni tulucʼko rạskạyena.

Genesis 43:29

Joseph do beṛhaete beṅgetʼkate acʼren boeha Benjạmine ńelkedeteye menkeda, “Nui do cetʼ aperen huḍiń utạricʼ boeha kanae one okoe reakʼ kathape metadiń tahẽkan?” Ona tayom uni do Benjạmine metadea, “Isore dayawam ma!”

Josuạ 16:1

Gulibãṭ lekate Joseph gusṭiren hoṛko oka jaegako ńamketʼ ona reakʼ simạna do hoyokʼ kana Jerikho samaṅ senakʼ Jerikho dakʼ jharna purub secʼ reakʼ jordan gaḍa hạbicʼ. Ona tayom simạna do hahaṅkar talate senkate Bethel reakʼ buru ṭoṭha secʼ rakapʼ calaoena.

Josuạ 18:11

Gulibãṭkate Benjamin gusṭirenkoakʼ ńutum rakapʼena. Ar ona gusṭiren judạ judạ bõsko do oka jaega ematʼko ona do gulibãṭ lekate Jihudạ ar Joseph gusṭirenkoakʼ jaega talare paṛaoena.

Bikʼcạrko 5:14

Adomko hoṛ do Ephrayim khonko hecʼena Amalekiko girobasokʼkan tahẽkan ṭhen; onko doko hecʼena Benjamin gusṭiren hoṛko tayomte. Makir khon do mukhiyạko hecʼena, ar Sebulon khon do cakʼlao ṭheṅga sasapʼkoge.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.