Genesis 35:23 - সান্তালী বাইবেল

²³ Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

Genesis 35:23 Referans Kwoze

Genesis 33:2

Pạhilre uni do kạ̃ṛmĩkin ar unkinren gidrạkoe dohoketʼkoa. Ona tayom do Lea ar uniren gidrạko ar tayom utạrre do Rahel ar Josephe dohoketʼkinạ.

Aposkạmi 7:8

Ona tayom Isor do acʼakʼ bondobos reakʼ cinhạ lekate khatna reakʼ niạme emena. Inạ tayom Abrahamren hopon Isạhake janamena ar irạl din hilokʼreye khatna ocokedea. Ar Isahak do Jakobe khatna ocokedea ar Jakob do onko gelbar khũṭren hapṛamkoe khatna ocoketʼkoa.

Genesis 29:31

Probhu Isor do Lea khijlạu ocokʼkane ńelkede khan uni do bhạrti hoṛmo reakʼ daṛeye emadea, menkhan Rahel do bạńjhigeye tahẽyena.

Exodus 1:1

Israelren, metakʼme Jakob sãote uniren hoponko okoe do apan ạpin gharońj salakʼ Misor disạmteko senlen onkoakʼ ńutum do hoyokʼkana Ruben, Simeon, Lewi, Jihudạ,

Genesis 29:16

Labanren do barea hoponerakin tahẽkana. Maraṅicʼakʼ ńutum do Lea ar huḍińicʼakʼ ńutum do Rahel.

Genesis 49:3

“Ruben, am do ińren maraṅicʼ hopon kanam; am do ińakʼ daṛe kanam, ińakʼ juạn daṛe reakʼ pạhil joge; man ar daṛete amren boehako cetanre menama.

Numeri 1:5

Okoe amko goṛowam onkoakʼ ńutum do hoyokʼ kana Ruben gusṭiren Sedeurren hopon Elisur,

Numeri 1:20

Israelren maraṅicʼ hopon Ruben bõsrenko modre okoekoakʼ umer do bargel se ona khon bạ̃ṛti umer hoyakantako, metakʼme okoeko do lạṛhại lạgitʼ oḍokʼ calakʼ lekako tahẽkan, onko do gusṭi ar gharońj reakʼ oprom lekate onkoakʼ ńutum ol caṛhaoentakoa.

Numeri 2:3

“Jihudạ dol reakʼ nisạnren hoṛ do ńapamokʼ tạmbu reakʼ purub secʼreko ḍerakʼma. Jihudạ gusṭiren mukhiyạ doe hoyokʼkana: Aminadab hopon Nahason ar uniren hoṛ doko hoyokʼ kana eaegel pon hajar turuisae hoṛ.

Numeri 7:12

Pạhil hilokʼ okoeṭakʼ mukhiyạ acʼakʼ sandese ạguketʼ uni doe hoyokʼ kana Jihudạ gusṭiren matha Aminadabren hopon Nahason.

Numeri 10:14

Pạhilre do Jihudạ nisạnren eṭakʼ eṭakʼ dolko mohnḍayena. Onkoren mukhiyạ do Aminadabren hopon Nahasone tahẽkana.

Numeri 13:4

Onko doko hoyokʼ kana, Ruben gusṭiren Sukur hopon Samua;

Numeri 26:5

Israelren pạhilicʼ hopon Rubenakʼ bõsko: noko doko hoyokʼ kana Hanok khon Hanoren bõsko, Palu khon Pạlui bõsko,

Numeri 34:19

Onko mukhiyạko doko hoyokʼ kana: Jihudạ gusṭiren Jephun hopon Kaleb:

Dosar Biboron 27:11

Enhilokʼge Mose do hoṛkoe galmaraoatʼkoa,

Dosar Biboron 33:6

Ruben reaṅ Mose doe menkeda, “Ruben do jiwetʼ baṛeye tahenma, uniyakʼ gujukʼ do sạṅgińkakʼme; uniren hoṛkoakʼ lekha alo baṛe komaokʼma.”

Josuạ 13:15

Mose do Ruben gusṭiren judạ judạ bõsko okako jaegae ematʼko tahẽkan ona do Arnon lodam aṛe reakʼ Aroer nagraha khon ar lodam reakʼ adha ato khon ehopʼakan tahẽkana. Onako modre Medeba beṛhaeteakʼ goṭa bilạn ṭạnḍi,

Josuạ 15:1

Gulibãṭ lekate Jihudạ gusṭiren judạ judạ bõsko oka jaegako ńamketʼ ona reakʼ simạna do Edom disạm reakʼ simạna hạbicʼ, metakʼme Sin hahaṅkar reakʼ dạkhin simạ hạbicʼ calao idiyena.

Josuạ 19:1

Dosar dhaoe gulibãṭketʼ khan Simeon gusṭirenkoakʼ ńutum rakapʼena ar uniyakʼ judạ judạ bõsrenkoakʼ jaegako ṭhikkeda. Onkoakʼ sompotti do Jihudạ gusṭirenkoakʼ jaega talare paṛaoena.

Josuạ 19:10

Tesar dhaoe gulibãṭketʼ khan Sebulon gusṭirenkoakʼ ńutum rakapʼena ar onkoren judạ judạ bõsrenkoakʼ jaegako ṭhikatʼkoa. Onkoakʼ jaega reakʼ simạna do tahẽkana Sarid hạbicʼ.

Josuạ 19:17

Ponakʼ dhaoko gulibãṭketʼ khan Isakar gusṭirenkoakʼ ńutum rakapʼena ar onkoren judạ judạ bõsrenko jaegako ṭhikatʼkoa.

Bikʼcạrko 5:14

Adomko hoṛ do Ephrayim khonko hecʼena Amalekiko girobasokʼkan tahẽkan ṭhen; onko doko hecʼena Benjamin gusṭiren hoṛko tayomte. Makir khon do mukhiyạko hecʼena, ar Sebulon khon do cakʼlao ṭheṅga sasapʼkoge.

Bikʼcạrko 5:15

Isạkarren senaputiko do Debora sãoteko senena; Isạkarren hoṛko do buru nalateko pheḍ calaoena Barak tayom tayomtege. Rubenren lạṛhại phạdko do monko kajakketʼtakoa.

Bikʼcạrko 5:18

Lạṛhạire Sebulonren hoṛko do gujukʼ hạbicʼ jiwiko alaekeda; Napthaliren hoṛko hõ ṭạnḍi reakʼ usul jaegakore.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

1 Bõsbudạ 12:25

Simeon gusṭiren eae hajar mitʼsae daṛean lạṛhại hoṛko.

1 Bõsbudạ 27:16

Israel khũṭkoren matha cakʼlaokoakʼ tạlika do nonka leka: Rubenren matha Sikri hopon Elieser, Simeonren matha do Makʼkaren hopon Sephaṭia,

Jeheskel 48:30

“Nagraha khon bahrete calakʼ reakʼ adomakʼ phaṭok duạrko tahena. Israelren gusṭikoakʼ ńutum lekate ona phaṭok duạrko reakʼ ńutum do emogokʼa. Pon hajar mõṛẽsae ḍaṅ utạr secʼakʼ bhitre do pea duạr tahena. Onako reakʼ ńutum do hoyokʼa Ruben-duạr, Jihudạ-duạr ar Liwi-duạr.

Johan sodor 7:7

Simeon bõsko khon gelbar hajar. Liwiren bõsko khon gelbar hajar. Isạkạrren bõsko khon gelbar hajar.