Genesis 35:19 - সান্তালী বাইবেল

¹⁹ Ar Rahel do Ephrat, metakʼme Bethlehem calakʼ horreko topakadea.

Genesis 35:19 Referans Kwoze

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Genesis 48:7

Padam-Aram khon oḍokkate Kanan disạm reakʼ Ephrat khon thoṛa sạṅgiń tahenrege Rahel doe gocʼena, onate iń do ạḍi dukiń ńamkeda. Ephrat reakʼ horre, metakʼme Bethlehem calakʼ horre uniń topakadea.”

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

Rut reakʼ kạhini 1:2

Uni hoṛakʼ ńutum do Elimek tahẽkana. Ar uniren bạhuakʼ ńutum do Naomi ar banar hoponkinakʼ ńutum do Mahlon ar Kilion. Onko do Jihudạ disạm reakʼ Bethlehemren Ephati hoṛko tahẽkana. Ar onko do Moab disạmte senkate onḍegeko tahẽyena.

Mathae 2:1

Jihudạ disạm reakʼ Betlehem atore Jisuakʼ janam do hoylena. Unre Herod do raje tahẽkana. Ar purub disạmren gonok ponḍetko do Jerusalemte hecʼkateko menkeda,

Mikạ 6:2

E buru-ḍuṅgriko, ape do Probhu Isorakʼ aroj ańjompe; E dhạrti reakʼ jaejug rehetʼko apehõ ańjompe. Noa reakʼ karon do uniren hoṛko upạrte Probhu Isorakʼ mementeakʼ menakʼtaea; uni do Israelko upạrte mitʼṭecʼe mambla akada.

Josuạ 19:15

Sebulon gusṭirenkoakʼ jaegare do tahẽkana Katat, Nahalal, Simron, Idala ar Betlehem. Onkoakʼ bakhrare do gelbar goṭecʼ nagraha ar ona aḍepase reakʼ atoko paṛaoena.

Genesis 35:16

Ona tayom Jakob ar uniyakʼ gharońjrenko do Bethel khonko mohnḍayena. Ar Ephrat reakʼ horte thoṛa sạṅgińko senen khan Rahel do bedon rakapʼadea ar ạḍi kosṭokʼe ehopʼena.

Genesis 35:18

Menkhan Rahel doe gocʼena. Gujukʼ jokhecʼ gidrạwakʼ ńutum do Benoniye dohoketʼtaea (Metakʼme “Ińakʼ dukren hopon”). Menkhan uniren apat do uniyakʼ ńutum Benjạmine dohoketʼtaea (metakʼme “Bhạganren hopon”).

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

Sereńko 132:6

Abo do Ephrata khon gokʼakʼ sinduk reakʼ bon ańjomleda, ar Jayerakʼ ṭạnḍirege ona bon ńamleda;

Bikʼcạrko 17:7

Onako oktere Jihudạ ṭoṭhare Bethlehemren mitʼṭen juạn Liwi do Jihudạ gusṭiren hoṛko sãoteye girobasokʼkan tahẽkana.

1 Samuel 10:2

Am do iń ṭhen khon senkate teheń Benjạmin ṭoṭha reakʼ simạna Selsah ńutuman jaegare Rahelakʼ topa ṭhen bar hoṛem ńamkinạ. Unkin dokin lạiyama, ‘okoe gadha eṅgako sendram oḍok akan onko doko ńamakana. Menkhan ńitokʼ amren baba do gadha eṅgako reakʼ cintạ badkate am lạgitʼ cintạreye paṛao akana. Uniye meneda, acʼren hopon lạgitʼ ńitokʼ do cetʼe cekaea?’

1 Samuel 16:4

Sạmuel do Probhu Isorakʼ katha lekageye kạmikeda. Ar tinre Bethlehemteye seṭerena unre atoren murubbiko do botorte thar tharaokʼ tulucʼ uni sãote ńapamokʼko oḍok hecʼena. Onko doko kulikedea, “Am do cetʼ suluk montegem hecʼakana?”

2 Samuel 23:14

Un jokhecʼ Dạud do hahaṅkar reakʼ aotan gaṛreye tahẽkana ar Philisṭiren lạṛhại phạdko do Bethlehemreko tahẽkana.

2 Samuel 23:15

Unre Dạud do dakʼ tetaṅkede khane menkeda, “Jãhãege Bethlehem phaṭok-duạr ṭhenakʼ kuń khon thoṛa dakʼko ạguạń khan honaṅ!”

1 Bõsbudạ 2:51

Ar Solom do Bethlehem atoe benaoleda ar Hareph doe benaoleda Beth-Gader ato.

Mikạ 5:1

E lạṛhại phạdko hotete gherao akan nagraha, amren lạṛhại phạdko jarwakotam, ente onko do abonko gherao esetʼ akatʼbona. Bạiriko do Israelren cakʼlaoicʼ ṭheṅgate johareko dal akadea.