Genesis 35:14 - সান্তালী বাইবেল

¹⁴ Ar Jakob do ṭhik ona jaegare dhiri reakʼ cinhạ khunṭiye teṅgokeda ar ona cetanre coḍor samaṅokʼakʼe samaṅkeda. Ar ona tayom do ona cetanre sunume dulada.

Genesis 35:14 Referans Kwoze

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).

Exodus 17:15

Tayomte Mose do mitʼṭecʼ pinḍ benaokate ona reakʼ ńutum do Jehowa-nisiye (metakʼme “Probhu Isorge ińakʼ jhạnḍi”) dohokeda.

Genesis 35:20

Jakob do uniyakʼ topa cetanre cinhạ khunṭi leka mitʼṭecʼ dhiriye condokeda. Ona do teheń hõ Rahelakʼ topa reakʼ cinhạ lekage menakʼa.

Genesis 31:45

Unre Jakob do mitʼṭecʼ dhiri hataokate khunṭi lekae teṅgokeda ar acʼren peṛakoe metatʼkoa, “Thoṛa dhiri ạgu jarwaepe.” Unre onko do dhiri ạgu jarwakate mitʼ ṭhenko ḍhipikeda ar sanamkoge ona aṛereko jom-ńũkeda.

2 Samuel 23:16

Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ ạgukate Dạudko emadea. Menkhan Dạud do ona dakʼ bae ńũleda; ona bodolte Probhu Isor ńutumte otreye dulkeda.