Genesis 35:1 - সান্তালী বাইবেল

¹ Niạ tayom Isor do Jakobe metadea, “Am do ńitokʼ Bethelre senkate tahenme. Ar amren boeha Esau ṭhen khonem ńir pharakokʼ jokhecʼ okoe do am ṭhene ńel ocolen uni Isor lạgitʼ onḍe mitʼṭecʼ pinḍ benaome.”

Genesis 35:1 Referans Kwoze

Genesis 31:13

Iń doń Isor kana okoe do Bethelre am ṭheniń ńel ocolente ar oka dhiri khunṭire sunum dulkate iń ṭhenem kiriạlen. Am do ńitokʼ noa disạm bạgikate amakʼ bukạ topa ṭhạ̃ite ruạṛ calakʼme.’ ”

Hosea 12:4

Uni do Serma goḍet sãoteye lạṛhạilena ar uniye bhagaokedea; ar daya ńam lạgitʼ uni do rakʼ rakʼteye nehõrlena. Uni do Bethelre Probhu Isore ńamledea ar onḍe do Probhu Isor sãote kathaye roṛleda.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Genesis 35:7

Onḍe uni do mitʼṭecʼ pinḍe benaokeda. Ar ona jaega reakʼ ńutum do El-Bethele dohokeda (metakʼme “Bethelren Isor”), ente boeha ṭhen khone dạṛletʼ jokhecʼ Isor do onḍege uni ṭhene sodorlena.

Genesis 31:3

Unre Probhu Isor do Jakobe metadea, “Am do amren hapṛamkoakʼ disạmren hoṛko ṭhen ruạṛ calakʼme. Iń do am são sãotegeń tahena.”

Sereńko 47:4

Unige aboakʼ sompottiye begar dohoakada; ona do Jakobakʼ gorbo reakʼ kangea. (Sela)

Exodus 2:15

Pharao noa kathae ańjomketʼ khan Mose goje lạgitʼe kurumuṭukeda. Menkhan Mose do Pharao ṭhen khone dạṛketʼte Midiạn disạmteye calaoena. Ar onḍe senkate uni do mitʼṭecʼ kuń aṛereye duṛupʼena.

Genesis 22:14

Ar ona jaega reakʼ ńutum Yehowa-Yire (metakʼme “Probhu Isorakʼ jogaṛ”) dohokeda. Onate teheń hõ hoṛko mena, “Probhu Isorakʼ burure Probhu Isorgeye jogaṛa.”

Genesis 16:8

Serma goḍete menkeda, “Sạriren kạ̃ṛmĩ Hagar, oka khonem hecʼakana ar okatem calakʼkana?” Hagare roṛ ruạṛkeda, “Iń do ińren kisạ̃ṛren bạhu ṭhen khoniń dạṛjoṅkana.”

Genesis 12:8

Ar ona tayom onḍe khon Bethel nagraha reakʼ purub secʼre menakʼ buru ṭoṭha secʼe calao idiyena ar pạchimre Bethel ar purubre Ae nagraha reakʼ tala jaegareye ḍerayena. Uni do Probhu Isor lạgitʼ onḍe hõ mitʼṭecʼ pinḍe benaokeda ar Probhu Isore sewawadea.

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Genesis 34:31

Simeon ar Lewi dokin menkeda, “Menkhan ạlińren misera sãote cetʼ jãhãege kusumbi lekae beohara?”

1 Samuel 10:3

“Ona tayom am do onḍe khon sen laha nõkʼkate Tabor ṭoṭha reakʼ Elon dare ṭhenem senlen khange Isorren pe hoṛ do sewae lạgitʼ Bethelteko rakapʼ calakʼ kanem ńamkoa. Arem ńela, onko modren mitʼ hoṛ do pea merom boda hopon, ar mitʼ hoṛ do pea piṭhạ ar mitʼ hoṛ do mitʼ celaṅ darkha rasae idiyeda.

Genesis 29:1

Jakob do calakʼ calakʼte purub disạmren hoṛkoakʼ ṭoṭhateye seṭerena.

Genesis 35:15

Isor okare uni sãoteye galmaraoletʼ Jakob do ona jaega reakʼ ńutum Bethele dohokeda.