Genesis 34:24 - সান্তালী বাইবেল

²⁴ Onate nagraharen sanam herel hoṛ do Hamor ar uniren hopon Sikemakʼ kathateko rạjiyena, arko khatna ocoyena.

Genesis 34:24 Referans Kwoze

Genesis 23:10

Onḍe do eṭakʼ Hethrenko sãote Ephron hõe duṛupʼ akan tahẽkana. Uni do Abraham roṛ ruạṛadeteye metadea, “Baṅ, baṅ, am do dayakate ińakʼ katha ańjomme. Iń bõsren hoṛko samaṅre ona jumi ar ona tala reakʼ dander do begor damtegeń emama; ar amren bạhu do onḍegem topa daṛeaea.” Unre Hethrenko hõ nagraha reakʼ phaṭok duạr ṭhenko tahẽkana ar onko hõ Ephronakʼ noa kathako ańjomkeda.

1 Korinthiko 7:19

Khatna ar bin khatna do cetʼ hõ baṅkana, menkhan Isorakʼ hukum dohoege asolakʼ kana.

Mathae 7:6

“Okaṭakʼ sonotge ona do seta alope emakoa. Ar sukri samaṅre mạnik hõ alope giḍiya. Hoedaṛeakʼa onko do onakoko lebetʼ gasmanḍaoa ar ạcur ruạṛkate apeko hoṭakʼ cirạpea.

Genesis 17:23

Isorakʼ katha leka Abraham do enhilokʼge Ismaele khatna ocokedea. Ona sãote uni do kirińko se oṛakʼreko janam akan nonkan sanam gutiko, metakʼme uniyakʼ oṛakʼren sanam herel hoponkoe khatna ocoketʼkoa.

Genesis 34:23

Onkoren ḍaṅgrako-bhiḍiko, dhon-sompotti ar sanam mĩhũ meromko hõ abo talaregeko tahena. Onate dela, onkoakʼ kathare bon rạjikʼma. Enḍekhan onko do abo sãoteko girobasokʼa.”