Genesis 34:20 - সান্তালী বাইবেল

²⁰ Ona iạte nagraha reakʼ phaṭok duạr ṭhen senkate Hamor ar uniren hopon Sikem do onḍenko hoṛkin metatʼkoa,

Genesis 34:20 Referans Kwoze

Rut reakʼ kạhini 4:1

Boas do phaṭok-duạr ṭhen senkateye duṛupʼena. Ar Boas okoe sor peṛa reakʼ kathae menletʼ unre uni do onkateye parom calakʼkan tahẽkana. Boas do uni hohoadeteye metadea, “E boeha, nonḍe hecʼkate duṛupʼlen me.” Unre uni hoṛ do onḍe senkateye duṛupʼena.

Sakariạ 8:16

Niạko hukum do manao hoyokʼtapea. Ape do eṭakʼko ṭhen sạriyakʼ kathape roṛa ar apeakʼ adalotre hok reakʼpe bicạra jemon hoṛko talare suluk hoyokʼ;

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Amos 5:12

Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Amos 5:10

Okoe do nagraha reakʼ phaṭokre behokakʼ upạrteye teṅgonkan uni dope hirkhạwaekana ar okoe sạriyakʼ kathakoe roṛetʼkan uni dope nihạ̃t edekana.

Kạhtukko 31:23

Uniren jãwãe do nagraha reakʼ duạrre manote ńameda; onḍe uni do murubbiko tulucʼe duṛupʼkana.

Jobakʼ 29:7

“Tinre nagraha reakʼ phaṭok duạr ṭheniń senokʼkan tahẽkana ar onḍenakʼ kulhi dobạṭiạkore duṛupʼakʼ iń benaoetʼ tahẽkana,

2 Samuel 15:2

Ar Absalom do ạḍi setakʼre beretʼkate nagraha reakʼ phaṭok-duạr secʼ calakʼ hor aṛereye teṅgokʼ kan tahẽkana. Unre jãhãege jãhãn mambla iạte raj ṭhen bicạr lạgitʼe hijukʼre Absalom do hohokate uniye kuliyede tahẽkana, “Am do okaṭakʼ atoren kanam?” Uni hoṛ doe menetʼ tahẽkana, “Iń amren guti do Israelren hana se noa gusṭiren hoṛ kạnạń.”

Dosar Biboron 17:5

enḍekhan okoe herel hoṛ se maejiu nonkae kạmiakatʼ uni do ato se nagraha reakʼ bahre phaṭok duạr ṭhen idikate dhiritepe tiń gojea.

Genesis 23:10

Onḍe do eṭakʼ Hethrenko sãote Ephron hõe duṛupʼ akan tahẽkana. Uni do Abraham roṛ ruạṛadeteye metadea, “Baṅ, baṅ, am do dayakate ińakʼ katha ańjomme. Iń bõsren hoṛko samaṅre ona jumi ar ona tala reakʼ dander do begor damtegeń emama; ar amren bạhu do onḍegem topa daṛeaea.” Unre Hethrenko hõ nagraha reakʼ phaṭok duạr ṭhenko tahẽkana ar onko hõ Ephronakʼ noa kathako ańjomkeda.

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Genesis 34:19

Ar gharońjren manotan hoṛ Sikem do ar bae bilomletʼte uni doe rạjiyena, ente Jakobren kuṛi lạgitʼ ạḍiye ṭanokʼkan tahẽkana.

Genesis 34:21

“Noko hoṛ do aboren gate kanako. Ar aboakʼ disạmre onko tahen lạgitʼ hõ aema jaega menakʼa. Noko do nonḍegeko tahẽ ocowa ar akoakʼ kusi lekako dãṛã baṛaema. Ar abo do onkoren kuṛiko bon hataokoa ar aboren kuṛihõ onko bon emakoma.

Sereńko 127:5

Bhạgangeae uni hoṛ, okoe do acʼakʼ sarkote ṭhoṅgae perecʼakatʼtae; ar nagraha reakʼ phoṭok duạr ṭhen akoren bạiriko tulucʼ kathako phanḍaore onko do bako lajaokʼa.