Genesis 34:19 - সান্তালী বাইবেল

¹⁹ Ar gharońjren manotan hoṛ Sikem do ar bae bilomletʼte uni doe rạjiyena, ente Jakobren kuṛi lạgitʼ ạḍiye ṭanokʼkan tahẽkana.

Genesis 34:19 Referans Kwoze

1 Bõsbudạ 4:9

Jabes do acʼren boehako khon arhõ manotan hoṛe tahẽkana. Uniren eṅgat do uniyakʼ noa ńutum dohokateye menleda, “Ạḍi kosṭote nui doń janamledea.”

Aposkạmi 17:12

Unre ạḍi utạr Jihudiko do Jisureko pạtiạuena; ona chaḍa aema bhodro Junạni maejiuko ar herel hoponko hõko pạtiạuena.

Aposkạmi 13:50

Menkhan Jihudiko do Isor bhoktiae bhodro maejiuko ar nagraharen manotan hoṛkoko udgạuketʼkoa. Nonkate onko do Pạul ar Barnabas upạrte khedko calaoketʼte ona ṭoṭha khonko oḍok gotʼkatʼ kinạ.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jesaea 5:13

Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

2 Rapajko 5:1

Naman do Aram rajren lạṛhại phạdkoren subedare tahẽkana. Uniren mạlik samaṅre uni do mitʼṭen maraṅ ar manotanicʼ hoṛe tahẽkana, ente Probhu Isor do uni hotetege Arame jitạu ocoleda. Uni do mitʼṭen birbanṭa hoṛe tahẽkana, menkhan uniyakʼ hoṛmore do murhucʼ jom rog tahẽkantaea.

1 Samuel 22:14

Ahimelek do raj roṛ ruạṛadeteye metadea, “E maharaj, amren sanam kạmiyạko khon amren jãwãe gomkem Dạud leka pạtiạr do ar okoe menaea? Uni do amren pahra khataren mukhiyạ kanae ar amakʼ gharońj talaren hõ mitʼṭen manoticʼge.

Numeri 22:15

Unre Balak do arhõ eṭakʼ mukhiyạkoe kolketʼkoa. Onko do lahaten mukhiyạko khon lekhate jemon ḍher onkage manotan hoṛko tahẽkana.

Genesis 41:20

Tayomte onko roga, ar ńelokʼte hirkhạ gạiko do lahaten onko eae goṭen moṭa soṭa gạiko utʼketʼkoa,

Genesis 29:20

Niạ tayom Jakob do Rahel lạgitʼ eae bochore kạmikeda. Jakob do Rahele dulạṛede tahẽkante unạkʼ bochor hõ thoṛa din lekae bujhạukeda.

Genesis 34:18

Onkoakʼ noa kathate Hamor ar uniren hopon Sikem do ạḍikin kusiyena.

Genesis 34:20

Ona iạte nagraha reakʼ phaṭok duạr ṭhen senkate Hamor ar uniren hopon Sikem do onḍenko hoṛkin metatʼkoa,