Genesis 34:1 - সান্তালী বাইবেল

^1-2 Leawakʼ kukhire Dina ńutuman Jakobren okoeṭakʼ kuṛiye janamlen uni do mitʼdin onḍenko kuṛi sãote ńapamokʼ lạgitʼe oḍoken khan Sikem ńutuman mitʼṭen hoṛakʼ mẽtʼreye paṛaoena. Nui Sikem do Hiwikoren sordar Hamorren hopone tahẽkana. Sikem do uniye sapʼ idikedete jor julumkate uni tulucʼe giticʼmitʼena are nosṭokedea.

Genesis 34:1 Referans Kwoze

Genesis 30:21

Ona tayom Learen do armitʼṭen kuṛiye hoyena. Uniyakʼ ńutum do Dinae dohoketʼtaea.

Jirimiạ 2:36

Amakʼ hor pheraotam lạgitʼ do cedakʼem ạcur baṛae kana? Ạsur babotre cetʼlekam lajao ocolen onkage Misor iạte hõm lajao ocokʼa.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

Genesis 46:15

Ar hoponera Dina sudhạ noko do Lea secʼte Jakobren bõsko. Noko do Padan-Aramreko janamlena. Jakobren noko bõsko do jotote pegel pe hoṛko tahẽkana.

Genesis 30:13

Unre Lea doe menkeda, “Ạḍi suk ińakʼ do! Sanam maejiukoge iń do bhạganicʼko mitạńa.” Onate gidrạwakʼ ńutum do Asere dohoketʼtaea (metakʼme “Kusiʼ”).

Genesis 28:6

Esaue ańjomkeda, Isahak do Jakobe bhoradea ar Padam-Aramreye kolkadea jemon uni do onḍe jãhãe kuṛiye baplaye. Arhõe ańjomkeda, bhor ńam tayom Jakob do Kananren kuṛiko hõ alo baplako reakʼe hukum ocoakana.

Genesis 27:46

Tayomte Rebeka do Isahake metadea, “Noko Hitti kuṛiko iạte iń do jiwetʼ tahen baṅ sanań kana. Ar Jakob hõ noa disạmren jãhãe Hitti kuṛiye baplaye enḍekhan ińakʼ jiwetʼ tahen do cetʼ lab?”

Genesis 26:34

Esau do pongel bochor umerre Hittiạ Beriren hoponera Judit ar Hittiạ Elonren hoponera Basmạt tekine baplaketʼkinạ.

Titus lạgitʼ Pạul Apostolakʼ ciṭhi 2:5

ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

Genesis 33:20

Ar onḍe do mitʼṭecʼ pinḍe benaokeda ar ona reakʼ ńutum do El-Elohe Israele dohokeda (metakʼme “Isor doe Israelkoren Isor kana”).