Genesis 33:5 - সান্তালী বাইবেল

⁵ Tayomte Esau do onko maejiu ar gidrạko secʼe beṅgetʼketʼteye kulikedea, “Am sãote noko doko okoe kana?” Jakobe menkeda, “Isor do dayate amren guti noko gidrạkoe emakadea.”

Genesis 33:5 Referans Kwoze

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Jesaea 8:18

Nokʼõe ńelpe, iń ar onko hoponko okoe do Probhu Isore emakawạdiń. Uni phạdkoren Probhu Isor, okoe do Sion burureye tahẽnkan ale do uniren cinhạkole hoyakana.

Genesis 48:9

Joseph do acʼ babae roṛ ruạṛadea, “Unkin do ińren hopon kanakin. Isor do noa disạmre unkine emakawạdińa.” Israele menkeda, “Iń ṭhen ạgukinme. Iń do unkin hõń ạsirbad ạkina.”

Ibriko 2:13

Jisu do arhõe meneda, “Iń do Isor cetanre bhorsa akaniń tahena.” Ar mitʼ jaegare uni doe meneda, “Nokʼõe ńelme, iń ar onko hoponko one okoeko do Isore emakawạdiń.”

1 Bõsbudạ 28:5

Uni do aema hoponkoe emadińa, ar onko hoponińko modre Probhu Isorakʼ rajosṭi Israelakʼ siṅghạsonre duṛubokʼ lạgitʼ uni do ińren hopon Solomone bachao akawana.

1 Samuel 1:27

Iń do nui gidrạ ńame lạgitʼ iń koeleda, ar Probhu Isor ṭhen okań khojletʼ uni do onageye em akawạdińa.

Rut reakʼ kạhini 4:13

Inạ tayom Boas do Rute baplakedea ar uniren bạhui hoyena. Ar Boas do uni ṭhene boloyen khan Probhu Isor do Rutakʼ kukhire gidrại emadea ar uniren do mitʼṭen koṛa hopone hoyena.

Genesis 30:2

Unre Jakob do Rahel cetanre ạḍiye raṅgaoena. Uniye menkeda, “Iń doń Isor kana se cetʼ? Unige coṅe bạńjhi ocoakatʼme.”

Genesis 33:6

Pạhilre kạ̃ṛmĩkin ar unkinren gidrạko senkate Esauko ḍobokʼadea.