Genesis 33:20 - সান্তালী বাইবেল

²⁰ Ar onḍe do mitʼṭecʼ pinḍe benaokeda ar ona reakʼ ńutum do El-Elohe Israele dohokeda (metakʼme “Isor doe Israelkoren Isor kana”).

Genesis 33:20 Referans Kwoze

Genesis 35:7

Onḍe uni do mitʼṭecʼ pinḍe benaokeda. Ar ona jaega reakʼ ńutum do El-Bethele dohokeda (metakʼme “Bethelren Isor”), ente boeha ṭhen khone dạṛletʼ jokhecʼ Isor do onḍege uni ṭhene sodorlena.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

Genesis 8:20

Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

Johan 4:20

Aleren hapṛamko do noa burureko sewaletʼ tahẽkana, menkhan apepe meneda, Jerusalemrege sewa do lek kana.”

Genesis 34:1

Leawakʼ kukhire Dina ńutuman Jakobren okoeṭakʼ kuṛiye janamlen uni do mitʼdin onḍenko kuṛi sãote ńapamokʼ lạgitʼe oḍoken khan Sikem ńutuman mitʼṭen hoṛakʼ mẽtʼreye paṛaoena. Nui Sikem do Hiwikoren sordar Hamorren hopone tahẽkana. Sikem do uniye sapʼ idikedete jor julumkate uni tulucʼe giticʼmitʼena are nosṭokedea.

1 Bõsbudạ 29:10

Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.