Genesis 32:7 - সান্তালী বাইবেল

⁷ Noa katha ańjomkate Jakob do monre botor caṛhaoadea are dhak dhakaoena. Uni do acʼ soṅgeten hoṛko, bhiḍi-meromko, ḍaṅgrako, gadhako ar ũṭko bar ṭhene begarketʼkoa.

Genesis 32:7 Referans Kwoze

Genesis 35:3

Ona tayom do dela, Bethelte bon calakʼa. Iń do onḍe Isor lạgitʼ mitʼṭecʼ pinḍ iń benaoa ente uni do muhinreye goṛowạdiń tahẽkana ar joto jaegarege iń sãoteye tahẽkana.”

2Timothi 3:12

Okoe Mạsi Jisu tulucʼ joṛao mitʼkate Isor bhoktite din khemaoko menjoṅkan onko do jotogeko khed ocokʼa.

2 Korinthiko 1:4

Aleakʼ joto duk ar haronre uni do jiwi raṛecʼe emalekana, jemon uni ṭhen khonle ńamakatʼ jiwi raṛecʼakʼ do eṭakʼkoakʼ duk ar santaorele emdaṛeako.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Mathae 8:26

Uni doe metatʼkoa, “E nase pạtiạukʼko, cedakʼpe botorokʼ kana?” Inạ tayom beretʼkate uni do hoe ar doreãoe dhomkaokeda. Ar unre sanamakʼ do ḍelḍel thir hapeyena.

Jesaea 28:26

Uniren Isorge uni doe hukumaea ar ṭhik hor reakʼe cetʼaea.

Kạhtukko 2:11

Amakʼ boge bạṛicʼ bujhạu reakʼ daṛegeye rukhiyạmea, ar buj do ame pahramea.

Sereńko 142:4

Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

Sereńko 107:6

Muhinre paṛaoente onko do Isor ṭhenko rakʼkeda, ar nonkate uni do onkoe bańcaoketʼkoa.

Sereńko 61:2

Ińakʼ mon loraolen tińre hõ ar dhạrti reakʼ mucạtʼ simạkoreń tahenre hõ iń do onḍe khon hõ amiń hohowama. Ar nonkan usul aotan burure ạyur rakabińme okaṭakʼ do iń khon ḍher pharakre menakʼ.

Sereńko 31:13

Iń reaṅ ạḍi hoṛko oktayetʼkan ona hõń ańjometʼgea, iń beṛhaete do botorge menakʼa. Onko do iń upạrte mitʼ sãoteko solha joṅkana, ar gojeń lạgitʼko soṛojontro kana.

Exodus 14:10

Ar Israelko do Pharao ar uniren dolko ako tayomte hijukʼkanko ńelketʼko khan ạḍiko botorena ar Probhu ṭhenko rakʼkeda.

Genesis 32:11

Nehõram kạnạń, ińren boeha Esauakʼ ti khon rukhiyạyińme. Enteń botorokʼ kana uni do hecʼkate aleye gocʼlea, gidrạ ar onkoren eṅgatko celege sarecʼ do bae doholeya.

Sereńko 112:5

Okoe dayate pańcae emokʼkan ar dhoromte jotowakʼe kạmikan uniyakʼ bhạlại do hoyokʼgea.

Genesis 32:3

Jakob do acʼ lahate Seyirte, metakʼme Edom disạmte acʼren boeha Esau ṭhen thoṛa hoṛe kolketʼkoa.

Genesis 32:8

Uni doe hudiskeda, Esau hecʼkate mitʼ dolrenkoe ńẽtʼlekore eṭakʼ dolrenko doko dạṛ pạnḍucʼ daṛeakʼa.

Genesis 33:1

Jakob do horte calakʼ jokhecʼe ńelkeda, Esau do pon sae hoṛkowante acʼ secʼe hijukʼkana. Unre uni do Lea, Rahel ar unkin banar kạ̃ṛmĩ erakin talare acʼren gidrạkoe hạṭińketʼkoa.