Genesis 32:25 - সান্তালী বাইবেল

²⁵ Uni hoṛ do tinreye ńelkeda, Jakob bae bhagao daṛeae kana unre uni do Jakobakʼ ḍubhi jaṅe joṭetʼketʼtaea. Onate uniyakʼ bulu reakʼ jaṅ do ṭhik jaega khon ocokʼentaea.

Genesis 32:25 Referans Kwoze

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Jesaea 45:11

“Probhu Isor, okoe doe Israelren uni sonoticʼ kan, okoe doe uniren sisirjạukʼ kan, uni do niạ kathae meneda, ‘ape do cetʼ tayom daram ghoṭna reaṅpe kuli akadińạ? Ińren gidrạko se ińakʼ ti reakʼ kạmi reaṅpe hukum akawạdińa?

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Genesis 32:32

Onate Israelko do bulu joṛao cetan reakʼ jel teheń hạbicʼ bako joma, ente bulu reakʼ joṛao ṭhenge Jakob doe joṭetʼ ocolena.

Genesis 19:22

Menkhan ma usạrate nonḍe khon dạṛme. Ente onḍe ạurim seṭerokʼ hạbicʼ iń do cetʼge bạń ceka daṛeakʼkana.” Lotakʼ katha iạte ona ato reakʼ ńutum do Soar hoyena (metakʼme “Huḍiń”).

Mathae 26:44

Uni do arhõe bạgi oṭowatʼkote tesar dhao senkate inạ kathageye koekeda.

Genesis 32:24

Onate Jakob do eskargeye tahẽyena. Unre mitʼṭecʼ hoṛ do hecʼkate ạuri aṅgakʼ hạbicʼ uni tulucʼe lạṛhạiyena.

Genesis 32:26

Unre uni hoṛe menkeda, “Aṅga hijukʼ kana, ńitokʼ do aṛakʼkạńme.” Jakobe menkeda, “Ạurim bhorạń hạbicʼ bạń aṛakʼmea.”