Genesis 32:20 - সান্তালী বাইবেল

²⁰ Ar mucạtʼrepe mena, ‘amren guti Jakob do ale tayomrege menaea.’ ” Jakob do mone monte noae hudiskeda, “Iń laha lahate okaṭakʼ dan calakʼkan onatege uni doń hape ocoyea. Ona tayom tinre uni tulucʼ iń ńapama hoedaṛeakʼa unre uni doe ataṅińa.”

Genesis 32:20 Referans Kwoze

Kạhtukko 21:14

Oko okote emakʼ dan do raṅgaoe dapala, ar gochare emakʼ nońjor do kurkurạukʼ edrege.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

Jona 3:9

Okoe baḍaea hoedaṛeakʼa Isor do moneye ạcurtaete jaljalaokʼkan edre khone ruạṛkange jemon alo bon marao utạrokʼ.”

Kạhtukko 16:14

Rajakʼ raṅgao do moronren goḍet leka, menkhan ạkilan hoṛ do raṅgaoe thir ocoya.

Kạhtukko 15:18

Raṅgaokʼ hoṛ do jhogṛakʼgeko ehoba, menkhan bae raṅgao hodokʼicʼ do jhogṛae thir ocoya.

Kạhtukko 6:35

Uni do jãhãn khuti purun bae ataṅa, ar ạḍi bạ̃ṛti danaere hõ bae tirpitokʼa.

1 Rapajko 20:31

Benhadadren kạmiyạko do uniko metadea, “Ńelme, alele ańjomakada Israelren rapajko do dayawanko kanako. Dela, abo do gõṛẽ kicricʼ horokʼkate ar bohokʼre baber reakʼ binḍi tolkate Israelren raj ṭhen bon calakʼa. Hoedaṛeakʼa uni do jomakʼte jiwiye rukhiyạitama.”

1 Samuel 6:5

Okaṭakʼ ojo ruạ do apeakʼ hoṛmore hoyakan ar okoe goḍoko apeakʼ disạmko jarkharetʼkan onkoakʼ muṭhạn benaope ar Israelkoren Isor mạhimawaepe. Ado pasecʼ uni do ape cetan khon ar aperen Debotako ar disạm cetan khon acʼakʼ keṭecʼ tiye ocogtaea.

Genesis 43:11

Unre onkoren apate metatʼkoa, “Onkage hoyokʼ khan, enḍekhan mitʼṭecʼ kạmipe. Uni hoṛ lạgitʼ dan lekate noa disạm reakʼ bhage bhage jinisko reakʼ thoṛa thoṛa idi torawaepe, ona do noakoge, ran sunum, dumur rasa, jut so mosola, gondhoros, pesta jo ar badam.

Genesis 32:19

Nonkage uni do dosar, tesar ar eṭakʼ gutiko okoe do palrenko idiyetʼko tahẽkan onko sanamkoe hukumatʼkoa, “Esau tulucʼpe ńapamlen khan apehõ inạ kathagepe mena.

Genesis 32:21

Dan reakʼ jinisko acʼ lahate calaoenre hõ ona ńindạ hõ onḍegeye tahẽyena.

Kạhtukko 18:16

Dan do manwa lạgitʼ hore phaelaoa, ona do kisạ̃ṛko ṭhene idi seṭerokʼ kana.