Genesis 32:14 - সান্তালী বাইবেল

^14-15 Ona do hoyokʼ kana, barsae merom pạṭhi ar bargel merom eṅga, barsae bhiḍi ar bargel bheḍa, hopon sudhạ toa emokʼ pegel ũṭko, pongel gại ar gel goṭecʼ ḍaṅgra, bargel gadha eṅga ar gel goṭecʼ gadha.

Genesis 32:14 Referans Kwoze

Jobakʼ 42:12

Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

1 Samuel 25:2

Unre Maon atore mitʼṭen maraṅ kisạ̃ṛ hoṛe tahẽkana. Uniyakʼ kạmiko do Karmelre tahẽkantaea. Uniren do pe hajar bhiḍi ar mitʼ hajar meromko tahẽkana. Ar un jokhecʼ uni do Karmelre bhiḍiko upʼe kạpciyetʼtako tahẽkana.

Genesis 31:16

Onate ạlińren babawakʼ sompotti khon Isor okae hatao akatʼ ona do khạṭige ńitokʼ ạliń ar ạlińren gidrạkoakʼ kana. Onate Isor okae metamkan onage onkaeme.”

Genesis 31:9

Isor do abenren babawakʼ palren bhiḍi-meromko khon nonkage ińe emakawạdińa.

Genesis 30:43

Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.

Genesis 31:10

“Mĩhũ-meromkoko midokʼkan tahẽkanre iń do mitʼṭecʼ kukmũń ńelkeda. Iń doń ńelkeda, merom pạṭhi cetanre okoeko bodako dejokʼkan tahẽkan onko do kabra kabra kạṭicʼ ar lạṭu chapanko tahẽkana.

Genesis 32:13

Jakob do ona ńindạ onḍegeye tahẽ aṅgayena. Ar acʼakʼ okako tahẽkantae onako khon uni do acʼren boeha Esau lạgitʼ mitʼṭecʼ dane ṭhik dohokeda.

Genesis 33:11

Isor do ạḍiye daya akawạdińa, ar ińakʼ do ḍherge menakʼtińạ. Ona iạte okaṭakʼ daniń ạguakatʼ ona do dayakate hataome.” Jakob nonkae nehõren khan Esau do onkoe ataṅketʼkoa.

Genesis 43:11

Unre onkoren apate metatʼkoa, “Onkage hoyokʼ khan, enḍekhan mitʼṭecʼ kạmipe. Uni hoṛ lạgitʼ dan lekate noa disạm reakʼ bhage bhage jinisko reakʼ thoṛa thoṛa idi torawaepe, ona do noakoge, ran sunum, dumur rasa, jut so mosola, gondhoros, pesta jo ar badam.

Kạhtukko 17:8

Okoe hoṛ ghuse emokʼ uni ṭhen ona do guni reakʼ dhiri leka; uni jãhã secʼgeye beṅgetʼ ạcur ontege jo bahakʼkana.