Genesis 31:55 - সান্তালী বাইবেল

⁵⁵ Dosar hilokʼ ạḍi setakʼre beretʼkate Laban do acʼren hoponerakin ar goṛomtetʼ gidrạkoe cokʼatʼkoteye bhoratʼkoa. Ar ona tayom do bidạ hataokate acʼakʼ oṛakʼteye ruạṛ calaoena.

Genesis 31:55 Referans Kwoze

Genesis 31:28

Aben do ạlińren goṛom gidrạko hõ baben cokʼ ocowatʼlińạ; ente lelha hoṛ lekaben kạmikeda.

Genesis 30:25

Rahelakʼ kukhire Josephe janamen khan Jakob do Labane metadea, “Ńitokʼ do bidạ kạliń ben jemon ạlińakʼ disạm ar apnar oṛakʼ teliń ruạṛ calao daṛeakʼ.

Genesis 18:33

Abraham sãote katha roṛ mucạtʼkate Probhu Isor do onḍe khone calaoena ar Abraham hõ acʼakʼ oṛakʼteye ruạṛ calaoena.

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Rut reakʼ kạhini 1:14

Niạ katha ańjomkate onko do arhõ ãṭ aṛaṅte rarakʼko ehopʼena. Ona tayom Orpa do acʼren hanhartetʼe cokʼadete bidại hataokeda menkhan Rut do uni tulucʼe tahẽyena.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Dosar Biboron 23:5

Menkhan aperen Probhu Isor do Biliamakʼ katha bae luturada; ar ape bako dulạṛletʼpe iạte uni do sarap bodolteye bhoratʼpea.

Numeri 24:25

Inạ tayom Biliam do beretʼkate oṛakʼ secʼe mohnḍayena ar Balak hõ acʼakʼ horteye ruạṛ calaoena.

Numeri 23:11

Noa katha ańjomkate Balak do Biliame metadea, “Noa do cetʼem cekawạdińa? Iń do ińren bạiriko sarapako lạgitʼ iń ạguketʼmea ar am do onkom bhoratʼkoa.”

Numeri 23:8

Isor bae sarap akatʼko hoṛ do, cekateń sarapakoa? Probhu Isor okoe upạrte bin bhạlại reakʼ katha bae roṛakatʼ, onko upạrte cekate iń do bin bhạlại reakʼ katha doń roṛa?

Numeri 23:5

Unre Probhu Isor do Biliamakʼ mocare katha dohoadeteye metadea, “Am do Balak ṭhen ruạṛ senkate noako katha lạiyaeme.”

Genesis 33:4

Unre Esau do uni ṭhen ńir hecʼenteye hạṛupʼkedea are kokekedeteye cokʼadea. Ar ona tayom do bana hoṛkin rakʼana.

Genesis 31:43

Noa kathare Laban do Jakobe metadea, “Nukin do ạlińren hoponera kanakin, ar noko gidrạko do ạlińren goṛom gidrạko kanako, ar noko mĩhũ-merom palrenko hõ ạlińrenge. Nonḍe jãhãnakʼge ben ńeletʼkan noako joto do ạlińakʼ kana; enhõ teheń do ạlińren hoponera kin se unkinren gidrạko babotre ạlińakʼ jãhãnakʼ cekae reakʼ cetʼge bạnukʼ tạlińa.

Genesis 28:1

Rebekawakʼ katha ańjomkate Isahak do Jakob hohoadeteye bhoradea ar noa hukume emadea, “Kanan disạmren okoeṭakʼ kuṛige alom baplakoa.

Genesis 24:60

Onko do Rebeka bhoradeteko metadea, “E mạ̃i, am do ạḍi utạr gidrạkoren gogo baṛe hoyokʼme. Amren hoponko jemon bạirikoakʼ sanam nagrahako jitạu daṛeakʼ.”

2 Samuel 19:39

Inạ tayom sanam hoṛ do gaḍako paromena, ar raj hõ gaḍae paromena. Raj do Barsilae cokʼadea are bhoradea ar Barsilae do arhõ gaḍae paromketʼte acʼakʼ oṛakʼteye ruạṛ calaoena.