Genesis 31:53 - সান্তালী বাইবেল

⁵³ Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 31:53 Referans Kwoze

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Genesis 16:5

Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Josuạ 24:2

Josuạ do sanam hoṛkoe metatʼkoa, “Israelkoren Probhu Isore meneda, ‘sedae jugre aperen hapṛamko do phurạt gaḍa hanasareko girobasokʼ kan tahẽkana ar debotakoko pujạwako kan tahẽkana. Onko modren mitʼ hoṛe tahẽkana uni do Abraham ar Nahorren apattetʼ Terah.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Genesis 31:52

Noa ḍhipi ar dhiri khunṭi do noa goha mente tahẽyena, noa ḍhipi paromkate ạliń do abenakʼ cetʼge bạliń loksan tabena, ar aben hõ noa ḍhipi paromkate ạlińakʼ jãhãnakʼ cetʼge bạliń loksantạlińa.

Genesis 47:31

Unre Jakobe menkeda, “Enḍekhan kiriạwạńme.” Ar Joseph do uni ṭhene kiriạyena. Unre Israel do parkom reakʼ bohokʼreye ombakʼena ar Isore sewawadea.

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Bikʼcạrko 11:27

Niạko babotre iń do am upạrte cetʼge bạń behok akada, bickom iń upạrte lạṛhại lạgitʼem oḍok hecʼakante amgem behok akada. Bikʼcạricʼ Probhu Isorge ńitokʼ Israelko ar Amonrenko talareye bicạrma.”

1 Samuel 20:23

Disạiben, aben ar ạliń talare oka bondobos hoyen onaren goha do Probhu Isorge jaejug hạbicʼe taheyena.”

1 Samuel 24:12

Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.