Genesis 31:42 - সান্তালী বাইবেল

⁴² Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Genesis 31:42 Referans Kwoze

Sereńko 31:7

Amakʼ asambheṛ dayań ńamakatʼte iń doń rạskạkʼ kana, ariń hulạsokʼ kana; ente am do ińakʼ dukem ńel akada, ar ińakʼ kosṭo reakʼ katha hõm baḍaekana.

Genesis 31:29

Apeakʼ loksantape reakʼ ektiạri bạnukʼ tạliń ona do baṅa. Menkhan Abenren hapṛamkoren Isor do hola ńindạ ạlińe menakawatʼ lińa, “Men sontorokʼme! Jakob do boge bạṛicʼ jãhãnakʼ cetʼge alom metaea.”

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 29:32

Lea doe bhạrti hoṛmoyena ar mitʼṭen koṛa gidrại janamkedea. Ar uni gidrạwakʼ ńutum do Rubene dohoketʼtaea (metakʼme “Hạni ńeleme, mitʼṭen hopon”), Ente uniye menleda, “Probhu Isor do ińakʼ duke ńelketʼtińạ, ar ńitokʼ do khạṭige ińren jãwãe doe dulạṛińạ.”

Jesaea 8:13

Phạdkoren Probhu Isor do sonot mente hudisepe; unige botoraepe; ar unige botoranicʼ mente hudisepe.

Genesis 31:24

Menkhan Isor do ńindạ jokhecʼ kukmũte Labane metadea, “Sontorokʼme! Jakob do boge-bạṛicʼ jãhãnakʼ cetʼge alom metaea.”

Jihudạwakʼ ciṭhi 1:9

Menkhan mukhiyạ serma goḍet Mikạyel do Moseyakʼ hoṛmo iạte Soetan sãoteye reṭe peṭekʼkan tahẽkanre uni upạrte jãhãn henosta reakʼ katha menkate dusiye do bae dilleda. Bickom uni doe menleda, “Probhu Isor do ame dhomkaome ma.”

1 Bõsbudạ 12:17

Ar Dạud do onko sãote ńapamokʼ lạgitʼ oḍok hecʼenteye menkeda, “jodi sulukokʼ lạgitʼ iń goṛowạń lạgitʼpe hecʼakan khan enḍekhan ape sãote midokʼ iń khaṛagea, menkhan jãhãn behokakʼ bạń kạmi akatʼre hõ jodi calaki kate bạirikoakʼ tire jimạyiń lạgitʼ nonḍepe hecʼakan enḍekhan aperen hapṛamkoren Isor do onae ńelma ar apeye bicạrpema.”

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Genesis 31:12

Uniye metadińạ, ‘beṅgetʼkate ńelme, merom pạṭhiko cetanre okoe bodako dejokʼkan onko do kabra kabra lạṭu ar kạṭicʼ chapan kanako. Ar Laban amre okae ceka akatʼ ona do jotogeń ńelakada.

Genesis 31:5

Ona tayom unkine metatʼkinạ, “Ińiń ńeletʼa abenren babawakʼ mẽtʼãhã do pạhil leka kharsala ińre bạnukʼtaea, menkhan iń babaren Isor do iń sãote menaea.

Genesis 27:33

Noa katha ańjomkate Isahak doe thar tharaoena. Uni doe menkeda, “Enḍekhan sendra jel do okoeye ạguạdińa? Iń do am hijukʼ laharege onań jomkeda ar uni hõń bhoradea, ar ona bhor reakʼ jo do unigeye ńama.”

Genesis 16:13

Noa katha ańjomkate Hagar do mon monteye menkeda, “Iń do cetʼ sạrige uniń ńelkedea one uniyakʼ mẽtʼãhã samaṅre minạń?” Hagar sãote okoeye roroṛkan tahẽkan, uni Probhu lạgitʼge Hagar do unreye menkeda, “Am dom Isor kana, iń do am samaṅre minạńa.”

Genesis 16:11

Uni do arhõe metadea, “Ńelme, am dom bhạrti hoṛmo akana. Amren do mitʼṭen koṛa gidrại hoyokʼtama. Uni gidrạwakʼ ńutum do Ismaelem dohoytaea (metakʼme, Isore ańjoma), ente amakʼ duk reakʼ rakʼ do Probhu Isore ańjomakada.

Genesis 11:5

Probhu Isor do manwa oka nagraha ar usul oṛakʼko bekʼnaokan tahẽkan ona ńel lạgitʼe pheḍ hecʼena.

Genesis 32:9

Jakob do Isor ṭhen noa menkate koejoṅe ehopʼena, “E Probhu, ińren hapṛam Abrahamren Isor, ińren ạpuń Isahakren Isor, amge coṅ ińakʼ disạmte, ińren hoṛko ṭhen ruạṛ calakʼem menakadińạ ar onḍe am dom bhạlạiyińạ.

Genesis 35:3

Ona tayom do dela, Bethelte bon calakʼa. Iń do onḍe Isor lạgitʼ mitʼṭecʼ pinḍ iń benaoa ente uni do muhinreye goṛowạdiń tahẽkana ar joto jaegarege iń sãoteye tahẽkana.”

Genesis 46:1

Israel do acʼakʼ sanamakʼ hataokateye oḍokena. Ar Ber-sebare hecʼkate uni do acʼ apat Isạhakren Isor ńutumte dãṛẽye samaṅkeda.

Daniel 2:23

E ińren hapṛamkoren Isor, amiń sarhaoetʼme kana, ariń õṛhẽyetʼme kana, ente am do ạkil ar daṛeyem em akawạdińa; ale do okaṭakʼ am ṭhen khon baḍae joṅle khojletʼ ona do ińem baḍae ocoakadińạ; rajakʼ kukmũ reaṅ am do alem baḍae ocoakatʼlea.”

Dosar Biboron 15:13

Ar sạdhine oktere uni do eken ti alope bidạ gotʼkaea.