Genesis 31:38 - সান্তালী বাইবেল

³⁸ Ạliń do bargel bochor aben sãote liń khemao akada. Unre abenren jãhãn bhiḍi se meromakʼ kukhi hõ baṅ bạṛicʼlena, se abenakʼ palren jãhãn bhiḍi se meromhõ bạliń gocʼ jomletʼkoa.

Genesis 31:38 Referans Kwoze

Dosar Biboron 28:4

“Ar bhorpe ńamte apeakʼ gharońjren hopon ar hoponerako hõ bhoranko hoyokʼa, ar apeakʼ khet baṛgere ḍher phosol hoyokʼtapea ar mĩhũ- merom ar bhiḍiko hõ ḍherko bạḍokʼtapea.

Exodus 23:26

Apeakʼ disạmre unre okoeyakʼ kukhiren gidrạ hõ bako nosṭokʼa ar okoe hõ bạńjhi do bako tahena. Iń do purạteń bahaopea.

Genesis 30:30

Ạliń hijukʼ lahare abenren mĩhũ-merom palko nunạkʼ ḍher do bako tahẽkana, menkhan ńitokʼ do ḍherko bạḍ akana. Ar ạliń jãhãrege liń dãṛã akatʼ onḍege Probhu Isor do abene bhor akatʼbena. Menkhan ńitokʼ do ạlińakʼ gharońj reakʼ katha hudis reakʼ okte hoyakan tạlińa.”

Genesis 30:27

Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.”

Genesis 31:10

“Mĩhũ-meromkoko midokʼkan tahẽkanre iń do mitʼṭecʼ kukmũń ńelkeda. Iń doń ńelkeda, merom pạṭhi cetanre okoeko bodako dejokʼkan tahẽkan onko do kabra kabra kạṭicʼ ar lạṭu chapanko tahẽkana.

Genesis 31:37

Ạlińakʼ sanam jinisko hạtṛạukate cetʼ abenakʼ gharońj reakʼ jãhãnakʼ ben ńamkeda? Arben ńamakatʼ khan ạliń ar abenren peṛa-pạrbhạko samaṅre ona dohoy ben jemonko bicạr daṛeakʼ.

Genesis 31:39

Se, bir janwar hoteteko gocʼ ocoakan bhiḍi-merom hõ aben ṭhen do bạliń ạguletʼkoa. Menkhan ona reakʼ loksan do ạliń geliń ladeana. Abenren bhiḍi se merome kombṛolenre sińkan ar ńindạ kan aben do ạliń ṭhen khon khuti purun ben hatao akada.

Genesis 30:29

Menkhan Jakob doe menkeda, “Abenakʼ cetʼleka liń kạmi akatʼ ar ạlińakʼ tite cetʼleka abenren palko bạḍ akan, ona do abenge ben baḍaea.