Genesis 31:33 - সান্তালী বাইবেল

³³ Unre Laban do mimitʼ mimitʼte Jakob, Lea ar uniren banar kạ̃ṛmĩyakʼ tạmbureye boloyena menkhan celege bae ńamletʼkoa. Ar Leawakʼ tạmbu khon oḍok kate Rahelakʼ tạmbuteye boloyena.

Genesis 31:33 Referans Kwoze

Genesis 24:67

Unre Isahak do acʼ gogowakʼ tạmbure Rebekae idikedea are baplakedea. Uni do Rebekae dulạṛkedea ar eṅgattetʼ ńutumte jiwi raṛecʼentaea.

Genesis 24:28

Ar Rebeka do oṛakʼteye ńir senente oṛakʼren sanamko ar acʼren eṅgattetʼ hõ noa kathae lạiyadea.

Genesis 31:32

Ar okoe ṭhen abenren onko murhutʼ ben ńamko uni doe gocʼ ocokʼma. Ạlińakʼ sanam jinisko talare abenakʼ jãhãnakʼ tahen eman khan enḍekhan aleren peṛa-pạrbhạko samaṅrege sendrae ben.” Menkhan Jakob do bae baḍaekan tahẽkana Rahel do onko boṅga murhutʼkoe kombṛo ạguakatʼkoa mente.

Genesis 31:34

Rahel do menkhan onko boṅga murhutʼko ũṭ reakʼ godi latarreye oko dohoakatʼko tahẽkana ar unre uni do ona godi cetanreye duṛupʼ akan tahẽkana. Laban do uniyakʼ tạmbu reakʼ sanam jaegareye sendraketʼkoa menkhan onḍehõ celege bae ńam letʼkoa.