Genesis 31:28 - সান্তালী বাইবেল

²⁸ Aben do ạlińren goṛom gidrạko hõ baben cokʼ ocowatʼlińạ; ente lelha hoṛ lekaben kạmikeda.

Genesis 31:28 Referans Kwoze

Genesis 31:55

Dosar hilokʼ ạḍi setakʼre beretʼkate Laban do acʼren hoponerakin ar goṛomtetʼ gidrạkoe cokʼatʼkoteye bhoratʼkoa. Ar ona tayom do bidạ hataokate acʼakʼ oṛakʼteye ruạṛ calaoena.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

1 Rapajko 19:20

Unre Elisae do acʼren ḍaṅgrakin bạgi oṭokate Eliạ tayom tayomteye ḍạṛ idikeda. Ar Elisaeye menkeda, “Nehõrokʼ kạnạń, ińren go-baba tạkin baṛe cokʼ maṛaṅ ocoạńme. Ar ona tayom do am sãoteń senokʼa.” Eliại roṛ ruạṛkeda, “Do calakʼme, menkhan disạime, noa do Isorakʼ kạmikana.”

Rut reakʼ kạhini 1:14

Niạ katha ańjomkate onko do arhõ ãṭ aṛaṅte rarakʼko ehopʼena. Ona tayom Orpa do acʼren hanhartetʼe cokʼadete bidại hataokeda menkhan Rut do uni tulucʼe tahẽyena.

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhateakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

1 Samuel 13:13

Sạmuele menkeda, “Am do bebuj lekam kạmiakada. Amren Probhu Isor okae hukumatʼme tahẽkan ona do bam manaoleda. Onam manao lekhan Israelko cetanre amakʼ rajokʼ do jaejug hạbicʼe dohoketama.

Rut reakʼ kạhini 1:9

Probhu Isor do abene bhora ben ma jemon arhõ sulukte jãwãe tulucʼ ben soṅsar daṛeakʼ.” Ar noa menkate uni doe cokʼatʼkinạ ar onko do ãṭ aṛaṅte rarakʼko ehopʼena.

Exodus 4:27

Inạ tayom Probhu Isor do Arone metadea, “Hahaṅkarre senkate am do Mose tulucʼ ńapamokʼme.” Unre uni doe calaoena ar Isorakʼ burure Moseye ńamkedea are cokʼadea.

Genesis 31:24

Menkhan Isor do ńindạ jokhecʼ kukmũte Labane metadea, “Sontorokʼme! Jakob do boge-bạṛicʼ jãhãnakʼ cetʼge alom metaea.”

Genesis 31:13

Iń doń Isor kana okoe do Bethelre am ṭheniń ńel ocolente ar oka dhiri khunṭire sunum dulkate iń ṭhenem kiriạlen. Am do ńitokʼ noa disạm bạgikate amakʼ bukạ topa ṭhạ̃ite ruạṛ calakʼme.’ ”

Genesis 31:3

Unre Probhu Isor do Jakobe metadea, “Am do amren hapṛamkoakʼ disạmren hoṛko ṭhen ruạṛ calakʼme. Iń do am são sãotegeń tahena.”

Genesis 29:13

Laban do acʼ misratren hopon Jakobakʼ hijukʼ reakʼ khobore ńamketʼ khan ńir oḍokente uni sãote ńapamokʼe calaoena. Ar hạṛupʼkedeteye cokʼ adea ar acʼakʼ oṛakʼteye ạgukedea. Unre Jakob do acʼakʼ joto katha Labane lạiyadea.

Genesis 31:29

Apeakʼ loksantape reakʼ ektiạri bạnukʼ tạliń ona do baṅa. Menkhan Abenren hapṛamkoren Isor do hola ńindạ ạlińe menakawatʼ lińa, “Men sontorokʼme! Jakob do boge bạṛicʼ jãhãnakʼ cetʼge alom metaea.”

Genesis 32:1

Jakob hõ acʼakʼ horteye calao idiyena. Ar hor reakʼ mitʼ jaegare uni do Isorren goḍetkoe ńelketʼkoa.