Genesis 31:27 - সান্তালী বাইবেল

²⁷ Oko okote dạṛkate cedakʼ ben eṛe mojaketʼ lińạ? Ạliń ben metaliń khan ạliń do rạskạte, sereńate, kortal ru ar taranakʼ banamate aben liń bidạkebena.

Genesis 31:27 Referans Kwoze

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Bikʼcạrko 6:27

Ona iạte Gideon do acʼren kạmiyạko mod khon gel hoṛe soṅgeketʼkote Probhu Isorakʼ katha lekae kạmikeda. Menkhan acʼakʼ gharońj ar atoren hoṛko botorte sińre baṅkate ńindại kạmikeda.

Genesis 31:31

Jakobe roṛ ruạṛkeda, “Ạliń doliń botorokʼkan tahẽkana, ente liń hudisetʼ tahẽkana hoedaṛeakʼa aben do abenren hoponerakin ạliń khon ben recʼ doholińạ. Ar onate ạliń doliń dạṛ akada.

Genesis 4:21

Jabalren boehawakʼ ńutum do Jubạl tahẽkana. Uni do banam ar tirioko oroṅetʼ tahẽkan hoṛkoren hapṛame tahẽkana.

Genesis 31:26

Ar Laban do Jakobe metadea, “Noa do cetʼ ben cekakeda? Cedakʼ ben eṛeketʼ lińa ar lạṛhạire bondi akan hoṛ leka ạlińren hoponera ben ạguketʼkinạ?

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.