Genesis 31:26 - সান্তালী বাইবেল

²⁶ Ar Laban do Jakobe metadea, “Noa do cetʼ ben cekakeda? Cedakʼ ben eṛeketʼ lińa ar lạṛhạire bondi akan hoṛ leka ạlińren hoponera ben ạguketʼkinạ?

Genesis 31:26 Referans Kwoze

1 Samuel 17:29

Dạud doe menkeda, “Iń do cetʼ iń ceka akatʼte? Iń ma ekeniń kuliakawan.”

1 Samuel 14:43

Sạul do unre Jonathane metadea, “Lạiạńme, am do cetʼem ceka akada?” Jonathan do uniye metadea, “Ińakʼ ṭheṅga agalte thoṛagan dumur rasań jomakada, ar onate cetʼ iń do gujukʼ hoyokʼtińạ?”

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Genesis 34:29

Onko do onkoakʼ sanam dhon-durib ar onkoren gidrạko ar maejiukoko luṭketʼkoa; ar onkokoakʼ oṛakʼre tahẽkanakʼ cetʼge bako bạgi oṭowada.

Genesis 31:36

Unre Jakob do raṅgaoente ãṭ aṛaṅteye menkeda, “Ạliń do cetʼ liń dos akada, ar cetʼ liń behok akatʼte nonka ben khudạu ạguketʼlińa?

Genesis 31:16

Onate ạlińren babawakʼ sompotti khon Isor okae hatao akatʼ ona do khạṭige ńitokʼ ạliń ar ạlińren gidrạkoakʼ kana. Onate Isor okae metamkan onage onkaeme.”

Genesis 26:10

Abemeleke menkeda, “Menkhan ale sãote noa do cetʼem beoharkeda? Jãhãe hoṛge coṅ amren bạhu ma giticʼmidokʼ lạgitʼe soṅgeke. Ar nonkate ale dusirem paṛao ocokelea.”

Genesis 12:18

Unre Pharao do Abrame hohowadeteye metadea, “Am do iń sãote cedakʼ nonka dom beoharkeda? Cedakʼ amren bạhu do amren misera kanae mentem lạikedea. Ona iạtege coṅ ińma baplaye lạgitʼ iń ạgukede. Nui amren bạhu soṅgekate am do calaojoṅme.”

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Genesis 3:13

Unre Probhu Isor do uni maejiue metadea, “Noa do cetʼem ceka akada?” Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”

Genesis 2:24

Ona iạte manwa do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa.

Johan 18:35

Pilạte roṛ ruạṛkeda, “Iń do cetʼ Jihudi kạnạń? Am jạtren hoṛ ar maraṅ naekekoge coṅ iń ṭhenko soprot akatʼme. Am do cetʼem ceka akada?”

Genesis 31:25

Jakob okare tạmbu ṭaṅgaokateye ḍera akan tahẽkan, onḍege Laban do senkate uniye sapʼ tiyokʼkedea. Laban ar uniren peṛa-pạrbhạko hõ Gilead reakʼ ona bururege tạmbuko ṭaṅgaokeda.

Genesis 31:27

Oko okote dạṛkate cedakʼ ben eṛe mojaketʼ lińạ? Ạliń ben metaliń khan ạliń do rạskạte, sereńate, kortal ru ar taranakʼ banamate aben liń bidạkebena.

Genesis 29:25

Ado setakʼen khan Jakob do hahaṛakʼ tulucʼe ńelkedea uni doe Lea kana. Onate uni do Labane metadea, “Aben do ạliń tulucʼ cedakʼ nonka doben beoharkeda? Nunạkʼ din do cetʼ Rahel lạgitʼ bạliń khaṭao akana? Enḍekhan cedakʼben eṛe ketʼlińa?”