Genesis 30:27 - সান্তালী বাইবেল

²⁷ Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.”

Genesis 30:27 Referans Kwoze

Jesaea 61:9

Boṅgan hoṛ jạtrenko talare onkoren bõsko ar hoṛko talare onkoren hoponko doko ńum ńamokʼa. Ar okoe onkoko ńelko onko jotogeko bujhạu daṛeakʼa, onko jạtrenko do Probhu Isore bhor akatʼkoa mente.”

Rut reakʼ kạhini 2:13

Unre Rute menkeda, “E ińren kisạ̃ṛ, am do daya mẽtʼtem ńeleń kana. Ar amren kạ̃ṛmĩ ṭhen noa udgạu reakʼ katham roṛketʼte am do jiwi raṛecʼem emadińạ, ente iń do amren kạmiyạ kuṛiko sãote teṅgokʼ lekgeń baṅkana.”

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Exodus 3:21

Israelko cetanre Misorrenkoakʼ monre nonkan mitʼṭecʼ dayań janam ocoya jemon Misor khon oḍokokʼ jokhecʼ eken ti alope oḍok hijukʼ.

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 47:25

Unre hoṛkoko menkeda, “Am do aleakʼ jiwim bańcao akatʼtalea. Onate hujurakʼ dayale ńam lekhan ale do Pharaoren golamle tahena.”

Genesis 33:15

Unre Esaue menkeda, “Enḍekhan iń sãoten thoṛa hoṛ do am ṭheniń doho oṭokakoa.” Jakobe menkeda, “Ona reakʼ jãhãn jạruṛ do bạnukʼa? Ińren kisạ̃ṛ ṭhen dayań ńamakatʼ onage ḍhera.”

Genesis 30:30

Ạliń hijukʼ lahare abenren mĩhũ-merom palko nunạkʼ ḍher do bako tahẽkana, menkhan ńitokʼ do ḍherko bạḍ akana. Ar ạliń jãhãrege liń dãṛã akatʼ onḍege Probhu Isor do abene bhor akatʼbena. Menkhan ńitokʼ do ạlińakʼ gharońj reakʼ katha hudis reakʼ okte hoyakan tạlińa.”

Daniel 1:9

Isor do uni cạkrạkoren sordarakʼ monre Daniel lạgitʼ daya ar mãyãe ńam ocokeda.

1 Rapajko 11:19

Pharao do Hadad cetanre nunạkʼ kusiye tahẽkana je, uni do acʼ bạhu Tahpenesren bokot kuṛi sãote Hadade baplakedea.

Numeri 11:15

Iń cetanrem nonkae khan nonḍe ńitge baṛe gojeńme. Ar amakʼ dayań ńamakatʼ khan ińakʼ mẽtʼte nonkan bạṛicʼ dosa do alom ńel ocoyińạ.”

Genesis 34:11

Ona chaḍa Sikem hõ kuṛiren apattetʼ ar boehakoe metatʼkoa, “Iń cetanrepe daya akan khan enḍekhan ape okape khoj onageń emapea.

Jesaea 65:8

Probhu Isore meneda, “Darkha jo reakʼ thopare rasa menakʼa ńelte cetʼleka hoṛko men, ‘alom nosṭoea, ńithõ onare bhageakʼ menakʼa,’ onkage ińren gutiko modre joto do bạń maraokoa.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Nehemiạ 2:5

Ona tayom rajiń roṛ ruạṛadea, “Maharaj amem kusige khan ar amren guti amakʼ mẽtʼre dayae ńamakatʼ khan enḍekhan ińren hapṛamkoakʼ topa oka do Jihudạre menakʼ ona nagrahate calakʼ reakʼ hukum baṛe imạńme jemon arhõ onań benao rakapʼ daṛeakʼ.”

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

1 Samuel 16:22

Unre Sạul do Jisại ṭhen kathae kolgotʼkada, “Dạud do ińakʼ kạmirege dhurạu akae tahẽocoaeme, ente uni do ạḍiń kusi akawadea.”

Numeri 11:11

Uni do Probhu Isore metadea, “Iń amren golam do cedakʼ muhinrem paṛaokedińa? Am bekusi ocome leka do cetʼ iń ceka akatʼte, noko hoṛkoakʼ bojha iń cetanrem ladeakawạdińa?

Genesis 44:5

Ona bạṭirege coṅ ińren kisạ̃ṛmae ńũiyetʼ tahẽkan ar ona bạṭitege uni do gonok reakʼe kạmikan tahẽkana. Ape do noa kạmikate ạḍipe bạṛicʼ akada.’ ”

2 Samuel 6:11

Gatren Obed-Idomakʼ oṛakʼre Probhu Isorakʼ sinduk do pe cando tahẽyena. Onate Probhu Isor do uni ar uniyakʼ gharońjren sanamkoe bhoratʼkoa.