Genesis 30:26 - সান্তালী বাইবেল

²⁶ Ạlińren hopon ar hoponerako ar ạlińren bạhu iạtege abenakʼ liń kạmi akada. Ar ńitokʼ baṛe onko seletʼ calao ocowạliń ben. Ar aben doben baḍaegea abenakʼ cetʼleka liń kạmi akada mente.”

Genesis 30:26 Referans Kwoze

Hosea 12:12

Jakob do Aram disạmteye dạṛleda; ar Israel do bạhu ńame lạgitʼ din mạjur reakʼe kạmileda ar bhiḍi gupi kạmi hõe kạmileda.

Genesis 29:30

Jakob do Rahel ṭhen hõe boloyena. Menkhan uni do Lea khon Rahelge bạ̃ṛtiye dulạṛede tahẽkana. Ona tayom uni do arhõ eae bochor Laban tabereye tahẽyena.

Genesis 31:31

Jakobe roṛ ruạṛkeda, “Ạliń doliń botorokʼkan tahẽkana, ente liń hudisetʼ tahẽkana hoedaṛeakʼa aben do abenren hoponerakin ạliń khon ben recʼ doholińạ. Ar onate ạliń doliń dạṛ akada.

Genesis 31:26

Ar Laban do Jakobe metadea, “Noa do cetʼ ben cekakeda? Cedakʼ ben eṛeketʼ lińa ar lạṛhạire bondi akan hoṛ leka ạlińren hoponera ben ạguketʼkinạ?

Genesis 31:6

Ar noa hõben baḍaegea iń do ińakʼ goṭa daṛete abenren babawakʼ iń kạmiakada,

Genesis 29:18

Jakob do Rahele dulạṛedekan tahẽkanteye menkeda, “Amren huḍińicʼ kuṛi Rahel lạgitʼ eae bochor gutiń khaṭaokʼa.”