Genesis 30:20 - সান্তালী বাইবেল

²⁰ Unre Lea doe menkeda, “Isor do mitʼṭecʼ mońj dane emakawạdińa. Ńit khon ińren jãwãe doe manotińạ, ente ińakʼ kukhire uniren turui goṭen gidrạń janam akatʼkoa.” Noa menkate uni do gidrạwakʼ ńutum do Sebulone dohoketʼa (metakʼme “Manot”).

Genesis 30:20 Referans Kwoze

Mathae 4:13

Jisu do Gạlilteye calaoena ar Nasaret atoe bạgiyatʼte Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

Genesis 49:13

“Sebulon do doreão aṛereye girobasokʼa; uni do jahajko reakʼ bondorgeye hoyokʼa; ar uniyakʼ simạ do Sidon hạbicʼ hoyokʼtaea.

Genesis 35:23

Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

Sereńko 68:27

Jotoko khon huḍiń utạricʼ Benjạmin, hankoko calakʼkana uniren bõsko, one okoeyakʼ tire do rajakʼ sạjại menakʼ; hanko Jihudi mukhiyạko, okoe doko saṅgege; hanko Sebulonren mukhiyạko ar hankoko calakʼkan Naphtạliren mukhiyạko.

Bikʼcạrko 5:14

Adomko hoṛ do Ephrayim khonko hecʼena Amalekiko girobasokʼkan tahẽkan ṭhen; onko doko hecʼena Benjamin gusṭiren hoṛko tayomte. Makir khon do mukhiyạko hecʼena, ar Sebulon khon do cakʼlao ṭheṅga sasapʼkoge.

Bikʼcạrko 4:10

Ar Barak do Sebulon ar Napthali gusṭiren hoṛkoe hohowatʼkoa. Onate gel hajar hoṛ do uni sãoteko senena ar Debora hõ onko tulucʼe calaoena.

Genesis 46:14

Sebulonren hoponko do Sered, Elon ar Jahleyel.

Genesis 30:15

Menkhan Lea do uniye metadea, “Ińren jãwãeyem hatao akadere hõ cetʼ baṅ hoyokʼkan tama? Ar ińren hopone ạguakatʼ Dudạ jo hõm khojkana?” Rahele roṛ ruạṛkeda, “Amren hopone ạguakatʼ Dudạ jo bodolte teheń ńindạ uni do am tulucʼe giticʼma.”

Genesis 29:34

Ona tayom uni do arhõe bhạrti hoṛmoyena ar uni do armitʼṭen hopone janamkedea. Uni doe menkeda, “Niạ dhao ińren jãwãe do iń sãoteye midokʼa, ente iń do uniren pea gidrạń janam akatʼkoa.” Ar noa menkate gidrạwakʼ ńutum do Lewiye dohoketʼtaea (metakʼme “Jopoṛao”).

Genesis 30:19

Noa tayom Lea do arhõe bhạrti hoṛmoyente turui dhao Jakobren gidrạren eṅgate hoyena.

Genesis 30:21

Ona tayom Learen do armitʼṭen kuṛiye hoyena. Uniyakʼ ńutum do Dinae dohoketʼtaea.

Genesis 34:12

Noa bapla reakʼ gonoṅ ar dan lekate ape okaṭakʼpe goṭae onageń emokʼa. Menkhan aperen kuṛi baṛe iń sãote baplayepe.”

Exodus 22:17

Kuṛiren apattetʼ uni hoṛre bae rạjikʼ khan enhõ uni do bapla gonoṅ emokʼ hoyokʼtaea.

1 Samuel 18:25

Unre Sạule metatʼkoa, “Dạud metaepe, raj do jãhãnakʼ gonoṅ hõ bae hataoa, eken bạiriko cetanre halae lạgitʼ mitʼsae Philisṭikoakʼ khatnakʼakʼge.” Nonkate Philisṭikoakʼ tite jemon Dạude marao utạrokʼ, noage Sạulakʼ monsubạ do tahẽkana.

Dosar Biboron 27:13

Ar tinre sarapakʼ reakʼ katha roṛogokʼa unre Rubenren, Gadren, Aserren, Sebulonren, Danren ar Napthali khũṭren hoṛko do Ebol buru cetanreko tahena.