Genesis 30:17 - সান্তালী বাইবেল

¹⁷ Isor do Leawakʼ koejoṅe ańjomketʼtaea ar uni doe bhạrti hoṛmoyente mõṛẽ dhao Jakobren gidrạren eṅgate hoyena.

Genesis 30:17 Referans Kwoze

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Genesis 30:22

Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea.

Genesis 30:6

Unre Rahele menkeda, “Isor do hok reakʼe bicạr akada ar ińakʼ rakʼe ańjomketʼte mitʼṭen koṛa gidrại emadińa.” Ona iạte gidrạwakʼ ńutum do Dane dohoketʼtaea (metakʼme “Hok reakʼ bicạr”).

Genesis 30:16

Ado ạyupʼ jokhecʼ Jakob do ṭạnḍi khon hijukʼe ńelkede khan Lea doe oḍokente uniye metadea, “Teheń do iń tulucʼem giticʼa, ente hoponińe ạguakatʼ Dudạ jote am doń bhaṛa akatʼmea.” Onate Jakob do enhilokʼ ńindạ Lea tulucʼe giticʼmitʼena.

Genesis 30:18

Unre Lea doe menkeda, “Ińren jãwãe do kạ̃ṛmĩń emadete Isor do kuṛạiye emadińạ.” Ar onate uni gidrạwakʼ ńutum do Isakare dohoketʼtaea (metakʼme “Kuṛại”).