Genesis 3:18 - সান্তালী বাইবেল

¹⁸ Am iạte hasare rạṅgạiniko ar jạnumko janamokʼa, menkhan amakʼ jomakʼ do jumi reakʼ phosolge hoyokʼa.

Genesis 3:18 Referans Kwoze

Mathae 13:7

Arhõ adomakʼ itạ do jạnum jhạuạ talare ńurena. Ar jạnumko hara rakapʼen khan jạnum do onakoe jhurkeda.

Jesaea 7:23

Enhilokʼ okako jaegare gelbar keji rupạ reakʼ dam mitʼ hajar goṭecʼ darkha nạ̃ṛĩ tahẽkan onḍe do eken jạnum ar rạṅgạinige tahena.

Jobakʼ 5:5

Reṅgejokʼ hoṛ do akoakʼ phosolko joma, onko do jạnum tala khon hõ jomakʼko halaṅa; ar tetaṅetʼko do dhon-durib lạgitʼko ahkaokʼa.

Ibriko 6:8

Menkhan okaṭakʼ ot do jạnum ar rạṅgạinikoe omon ocoyetʼ ona ot do okoḍagea ar onare sarapokʼ reakʼ botor tahena. Ar mucạtʼre hoṛ do onako atar giḍikakʼa.

Jirimiạ 4:3

Probhu Isor do Jihudạ ar Jerusalemren hoṛkoe metakokana, “Arna ot abad joṅpe ar jạnumko talare itạ do alope era.

Jesaea 32:13

Jạnum ar rạṅgạinite perecʼ ińren hoṛkoakʼ disạm lạgitʼ koṛam ceṭagtape. Hẽ rạskạ ar hulạste perecʼ oṛakʼ duạr ar andoṛte perecʼ nagraha lạgitʼ koṛam ceṭagtape.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Kạhtukko 22:5

Peṛta hoṛakʼ horre do jạnum ar jhampakoge tahena, menkhan okoe apnarte sontore tahen uni do onako khon sahaṛ akaeye tahena.

Jobakʼ 31:40

enḍekhan onḍe do guhum bodolte aṭkuṭi janamokʼma. Ar jao bodolte ghãs janamokʼma. Nonḍege jobakʼ katha do mucạtʼ akana.

Josuạ 23:13

enḍekhan khạṭige baḍaekakʼpe, aperen Probhu Isor do ape samaṅ khon ar bae laga ńirkoa. Ona bodolte onko do aperen jhãmpa ar pạsi lekako hoyokʼa arpe sapʼ ocokʼa ar onko do apeakʼ dea reakʼ cạbuk ar mẽtʼ reakʼ jạnumko hoyokʼa. Ar nokʼõe napae okocʼ disạm aperen Probhu Isore emakawatʼpe nonḍe khonpe marao utạrokʼa.

Jirimiạ 12:13

Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Kạhtukko 24:31

ńelkedạń sanam jaega do rạṅgạinite perecʼ akana, ar rạṅgạinite baṛge hõ esetʼakana, ar dhiri reakʼ pạcri hõ lạnduṛ akana.

Sereńko 104:2

Kicricʼ lekage am do marsalem horokʼ akawana; rimilge am do tạmbu lekam ṭaṅgao akada.

Sereńko 90:3

Manwa do dhuṛitem ruạr idiyede kana; amem meneda, “E manwa hoponko, ape do arhõ dhuṛite ruạṛokʼpe.”

Jobakʼ 1:21

“Eṅgatakʼ lacʼ khon iń do uluṅgeń hecʼlena ar uluṅgeń calakʼa. Probhu Isorgeye emadiń tahẽkana ar Probhu Isorgeye idiketʼkoa; Probhu Isorakʼge sarhao hoyokʼtaema.”

Romiko lạgitʼ Pạul Apostolakʼ ciṭhi 14:2

Jãhãeye hudiskea uni do jotowakʼe jom daṛeakʼa, menkhan okoe pạtiạureye nijorge uni do eken aṛakʼ sakamgeye jomeda.

Genesis 3:17

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

Genesis 3:19

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Jesaea 7:24

Ar hoṛko do akʼ sarante onḍeko calakʼa, ente disạm do jạnum ar rạṅgạinite perejokʼa.