Genesis 3:1 - সান্তালী বাইবেল

¹ “Probhu Isorre benaoketʼko otren jiwiyanko modre biń do sanamko khon cạture tahẽkana. Mitʼ din biń do uni maejiue kulikedea, “Isor do cetʼ sạrige bagwanre menakʼ joto dareko reakʼ jo jom doe mana akatʼbena?”

Genesis 3:1 Referans Kwoze

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

2 Korinthiko 11:14

Noa iạte hahaṛakʼ reakʼ do cetʼge bạnukʼa, ente Soetan hõ marsalre do serma goḍet lekae udugokʼ lạgitʼ apnartetʼe bodolokʼ kana.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 20:2

Uni do uni biń, metakʼme okoe do mare biń Diabol Soetanko metaekan uni sapʼkate mitʼ hajar bochor hạbicʼe tolkedea ar ona athan kunḍreye khadlekadea.

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri baṛe piṭhạ hoeocoyme.”

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Mathae 4:6

“Isorren Hoponkan khanem ma nonḍe khon latarte donme, ente sonot sostorre ol menakʼa, Isor do acʼren goḍetko am reaṅe hukumakoa; onko do titeko sepeńmea, jemon dhirire jaṅga alo bajaokʼtam.”

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Sosolhayic̕ 4:10

Mitʼ hoṛe bhindạṛlen khan uniren gate do uniye or beretʼ daṛeaea; menkhan hae uni hoṛ do oneye bhindạṛlenre berede lạgitʼ celege bako tahen.

Mathae 4:9

“Noako joto do amiń emama, khạjuk ombakʼkate ińem sewawạń.”

1 Patras 3:7

Onkage ape hõ E jãwãeko, ape do bujsujte aperen bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.

Johan sodor 12:15

Unre uni biń do maejiue ạtu gotʼkae lạgitʼ acʼakʼ moca khon gaḍa dakʼ leka dakʼe ạtu oḍok ocokeda,