Genesis 29:35 - সান্তালী বাইবেল

³⁵ Tayomte uni do arhõe bhạrti hoṛmoyena ar uniren do armitʼṭen hopone hoyentaea. Uniye menkeda, “Niạ dhao do Probhu Isoriń sarhaoea.” Onate uni do gidrạwakʼ ńutum Jihudại dohoketʼtaea (metakʼme “Sarhaoicʼ ”). Ona tayom thoṛa okte lạgitʼ uni do hoborjoṅe thirena.

Genesis 29:35 Referans Kwoze

Mathae 1:2

Abraham do Isạhak jonome emadea; Isạhak do Jakob jonome emadea, Jakob do Jihudạ jonome emadea ar uniren boehako;

1 Bõsbudạ 5:2

Arhõ boeharen gusṭiko modre Jihudạ gusṭikoren do joto khon daṛeanko tahẽkana ar uniyakʼ gusṭi khonge mukhiyại bachao ocolenrehõ maraṅicʼ hopon reakʼ ạidạri do Josephgeye ńamleda.

Dosar Biboron 33:7

Jihudạ reaṅ uni doe menkeda, “E Probhu Isor, Jihudạwakʼ katha baṛe luturakʼme; ar acʼren hoṛko talare ruạṛ ạguiyeme. Uni do acʼakʼ banar titeye lạṛhại kana; bạiriko upạrte uni sãore baṛe tahenme.”

Genesis 35:26

Learen kạ̃ṛmĩ era Silpạwakʼ kukhire do Gad ar Aser. Jakobren noko hoponko do Padam Aramreko janamlena.

Genesis 46:12

Jihudạren hoponko do Er, Onan, Selah, Peres ar Serah. Er ar Onan do Kanan disạmregekin gocʼena. Peresren hoponkin do Hesron ar Hamul.

Numeri 1:26

Jihudạ bõsrenko modre okoekoakʼ umer do bargel se ona khon bạ̃ṛti, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate ńutum ol caṛhaoentakoa.

Numeri 34:19

Onko mukhiyạko doko hoyokʼ kana: Jihudạ gusṭiren Jephun hopon Kaleb:

Genesis 30:9

Ar Lea tinreye ńelkeda acʼren cele gidrạge bako hoyokʼkana unre acʼren kạ̃ṛmĩ Silpạ do Jakob tulucʼe baplakadea.

Jeheskel 48:7

Jihudạ hõ mitʼṭecʼ hĩse ńama; ona do hoyokʼa purub khon pạchim Ruben simạna reakʼ dạkhin hạbicʼ.