Genesis 29:33 - সান্তালী বাইবেল

³³ Noa tayom Lea do arhõe bhạrti hoṛmoyena armitʼṭen koṛa gidrại janamkedea. Ar uni gidrạwakʼ ńutum do Simeone dohoketʼtaea (metakʼme “Ańjom”), ente uniye menkeda, “Ińe hirkhạwạń reakʼ katha Probhu Isor doe ańjomakada, ar onate uni do armitʼṭen hopone emadińạ.”

Genesis 29:33 Referans Kwoze

Genesis 34:25

Niạ pe din hilokʼ tinre herel hoṛ do hasoteko thakao caba akan tahẽkana unre Dinaren boeha, metakʼme Jakobren banar koṛa Simeon ar Liwi do tarwaṛewante nagrahate bolokate mitʼke mitʼ herel hoṛkin gocʼketʼkoa. Nonka hoyokʼ do nagraharen celege bako hudis akatʼ tahẽkana.

Genesis 42:24

Unre Joseph do onko ṭhen khon oḍok senkateye rakʼkeda, ar ona tayom do ruạṛ hecʼkate onko sãote arhõ galmaraoe ehopʼena. Ar Simeone bachaokedete onko samaṅrege tole reakʼe hukumkeda.

Genesis 35:23

Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Genesis 30:20

Unre Lea doe menkeda, “Isor do mitʼṭecʼ mońj dane emakawạdińa. Ńit khon ińren jãwãe doe manotińạ, ente ińakʼ kukhire uniren turui goṭen gidrạń janam akatʼkoa.” Noa menkate uni do gidrạwakʼ ńutum do Sebulone dohoketʼa (metakʼme “Manot”).

Genesis 30:18

Unre Lea doe menkeda, “Ińren jãwãe do kạ̃ṛmĩń emadete Isor do kuṛạiye emadińạ.” Ar onate uni gidrạwakʼ ńutum do Isakare dohoketʼtaea (metakʼme “Kuṛại”).

Genesis 30:8

Unre Rahele menkeda, “Isor do maraṅ lạṛhạire ińren boeha khone jitạu akadińa.” Onate uni gidrạwakʼ ńutum do Napthaliye dohoketʼtaea (metakʼme “Lạṛhại”).

Genesis 30:6

Unre Rahele menkeda, “Isor do hok reakʼe bicạr akada ar ińakʼ rakʼe ańjomketʼte mitʼṭen koṛa gidrại emadińa.” Ona iạte gidrạwakʼ ńutum do Dane dohoketʼtaea (metakʼme “Hok reakʼ bicạr”).

Numeri 34:20

Simeon gusṭiren do Amihud hopon Samuel;

Dosar Biboron 21:15

“Nonka hoedaṛeakʼa, mitʼ hoṛren do barea bạhu menakʼkintaea, unkin modre mitʼṭene dulạṛea ar eṭakʼicʼ do baṅa. Ar unkin bana hoṛren koṛa hoponkin janamokʼ ar bae dulạṛedekan bạhuren pạhil koṛa hopone janamokʼ,

Jeheskel 48:24

Simeon hõ mitʼṭecʼ hĩse ńama; ona do hoyokʼa purub khon pạchimre Benjạmin simạna reakʼ dạkhinre.